વાવાઝોડું ‘Yagi’ વિયેતનામમાં પણ તબાહી મચાવી રહ્યું છે. આ દરમિયાન એક દિલધડક વીડિયો સામે આવ્યો છે.
‘Yagi’ વાવાઝોડાએ વિયેતનામમાં ભારે તબાહી મચાવી છે. ઉત્તર વિયેતનામમાં વાવાઝોડાને કારણે એક પુલ તૂટી પડ્યો. 375 મીટર લાંબો ફોંગ ચૌ પુલ તૂટી પડવાથી મોટરબાઈક અને કાર સહિત ઓછામાં ઓછા 10 વાહનો લાલ નદીમાં પડ્યાં હતાં, સ્થાનિક મીડિયાએ અહેવાલ આપ્યો હતો. પુલ તૂટી પડવાનો વીડિયો પણ સામે આવ્યો છે. વીડિયોમાં બતાવવામાં આવ્યું છે કે ફૂ થો પ્રાંતમાં પુલ કેવી રીતે તૂટી પડ્યો. વીડિયોમાં એક ટ્રક નીચે પડતો જોઈ શકાય છે. અધિકારીઓએ જણાવ્યું કે ઘટના બાદ 13 લોકો ગુમ છે. બચાવ કામગીરી ચાલી રહી છે, પુલનો એક ભાગ સુરક્ષિત હોવાનું જણાય છે.
તોફાનનો વિનાશ
પુલ તૂટી પડવાની ઘટના એવા સમયે બની છે જ્યારે ટાયફૂન યાગી વિયેતનામમાં તબાહી મચાવી રહી છે. દાયકાઓમાં આ પ્રદેશમાં ત્રાટકેલું આ સૌથી શક્તિશાળી તોફાન છે. શનિવારે ત્રાટકેલા વાવાઝોડામાં ઓછામાં ઓછા 64 લોકોના મોત થયા છે, જ્યારે ગંભીર પૂર અને ભૂસ્ખલનથી ઉત્તરીય પ્રાંતોમાં વ્યાપક વિનાશ સર્જાયો છે. પુલ તૂટી પડવા ઉપરાંત, કાઓ બેંગ પ્રાંતમાં ભૂસ્ખલનને કારણે 20 લોકોને લઈ જતી એક પેસેન્જર બસ નદીમાં વહી ગઈ હતી. ભારે વરસાદના કારણે બચાવ ટીમને પણ મુશ્કેલીનો સામનો કરવો પડી રહ્યો છે.
WARNING – disturbing footage.
In Vietnam, at least 13 people fell into the Hồng (Red) River after part of Phong Châu Bridge in Phú Thọ was swept away by floodwaters. About 10 vehicles and two motorbikes fell in. Rescue efforts are hindered by fast currents following Typhoon… pic.twitter.com/TUZSnL5EIe— Volcaholic 🌋 (@volcaholic1) September 9, 2024
PMએ સહાય પેકેજની જાહેરાત કરી.
વિયેતનામના વડા પ્રધાન ફામ મિન્હ ચિન્હે કટોકટી સહાય પેકેજની જાહેરાત કરી છે. ટાયફૂન યાગીએ ઉત્તર વિયેતનામના ઔદ્યોગિક કેન્દ્રોમાં પણ વિક્ષેપ ઉભો કર્યો, વીજ પુરવઠો ખોરવ્યો અને ઘણી ફેક્ટરીઓને ભારે નુકસાન પહોંચાડ્યું. લાખો ઘરોમાં વીજળી ડૂલ થઈ ગઈ છે અને ઘણા વિસ્તારોમાં ફોન નેટવર્ક ઠપ થઈ ગયું છે. વાવાઝોડાને કારણે કારખાનાઓની છત ઉખડી ગઈ છે અને ભારે વરસાદને કારણે ઉત્પાદન પ્લાન્ટમાં પાણી ભરાઈ જવાથી કામ અટકી ગયું છે. વિયેતનામ હવામાન એજન્સીએ પૂર અને ભૂસ્ખલનના જોખમની ચેતવણી આપી હતી, છેલ્લા 48 કલાકમાં ઉત્તરીય વિસ્તારોમાં 208 થી 433 મીમી વરસાદ પડ્યો હતો.