હાઇપરસોનિક મિસાઇલો એવી મિસાઇલ છે જે અવાજની ઝડપે પાંચ ગણી (મેક 5) કે તેથી વધુ ઝડપે ઉડી શકે છે. આ મિસાઇલો અત્યંત ઊંચી ઝડપે ઉડે છે અને પરંપરાગત મિસાઇલો કરતાં વધુ દાવપેચ અને ચોકસાઈ પ્રદાન કરે છે.
હાયપરસોનિક ક્રૂઝ મિસાઇલો હવામાં તેમની ગતિ જાળવી રાખવા માટે સ્ક્રેમજેટ એન્જિનનો ઉપયોગ કરે છે. તેમની ઉચ્ચ ગતિ હોવા છતાં, હાઇપરસોનિક મિસાઇલો અત્યંત ચોકસાઈ સાથે તેમના લક્ષ્યોને પ્રહાર કરવામાં સક્ષમ છે.
તેમની અત્યંત હાઈ સ્પીડને કારણે હાઈપરસોનિક મિસાઈલ ખૂબ જ ઝડપથી લક્ષ્યને નિશાન બનાવી શકે છે, જેના કારણે દુશ્મનને પ્રતિક્રિયા આપવાનો સમય નથી મળતો. હાયપરસોનિક મિસાઈલ હાલની મિસાઈલ ડિફેન્સ સિસ્ટમને ડોજ કરવામાં સક્ષમ છે.
ભારતે તાજેતરમાં હાઇપરસોનિક મિસાઇલનું પરીક્ષણ કર્યું છે. DRDO દ્વારા વિકસિત મિસાઈલ વિવિધ પેલોડને 1,500 કિલોમીટરથી વધુ અંતર સુધી લઈ જવા માટે સક્ષમ છે.
રશિયાએ તેનું “એવાન્ગાર્ડ” હાઇપરસોનિક ગ્લાઇડ વ્હીકલ અને “કિંઝલ” હાઇપરસોનિક મિસાઇલ વિકસાવી છે.
ચીને “DF-ZF” હાઇપરસોનિક ગ્લાઇડ વ્હીકલ અને અન્ય હાઇપરસોનિક મિસાઇલ સિસ્ટમ વિકસાવી છે અને તેનું પરીક્ષણ કર્યું છે.
યુ.એસ. હાઇપરસોનિક ટેક્નોલોજી પર વધુને વધુ કામ કરી રહ્યું છે અને “હાયપરસોનિક એર-બ્રેથિંગ વેપન” અને “લોંગ રેન્જ હાઇપરસોનિક વેપન” જેવી વિવિધ હાઇપરસોનિક મિસાઇલ સિસ્ટમનું પરીક્ષણ કરી રહ્યું છે.
