Pakistan: લાહોરમાં વધુ પડતા વાયુ પ્રદૂષણને કારણે હજારો લોકો બીમાર,શું થશે લાહોરનું?
Pakistanના પંજાબ પ્રાંતની રાજધાની લાહોરમાં વધુ પડતા વાયુ પ્રદૂષણને કારણે હજારો લોકોને હોસ્પિટલોમાં જવું પડે છે. ડૉક્ટરોએ બુધવારે આ જાણકારી આપી. તે જ સમયે, અધિકારીઓએ ચેતવણી આપી છે કે જો લોકો માસ્ક પહેરવા સહિત અન્ય સૂચનાઓનું પાલન નહીં કરે તો સંપૂર્ણ લોકડાઉન લાદવામાં આવી શકે છે. આ ચેતવણી ત્યારે આપવામાં આવી જ્યારે લોકો માસ્ક પહેર્યા વિના રસ્તાઓ પર ફરતા જોવા મળ્યા.
ડૉક્ટરોએ કહ્યું છે કે મોટાભાગના લોકો ઉધરસ અને આંખોમાં બળતરાની ફરિયાદ કરે છે. પાકિસ્તાન મેડિકલ એસોસિએશનના વાઇસ પ્રેસિડેન્ટ સલમાન કાઝમીએ જણાવ્યું હતું કે, “છેલ્લા એક સપ્તાહમાં શ્વસન સંબંધી સમસ્યાઓથી પીડાતા હજારો લોકોને હોસ્પિટલો અને ક્લિનિક્સમાં સારવાર આપવામાં આવી હતી.” “તમે લોકોને ખાંસી કરતા જોઈ શકો છો, પરંતુ તેમ છતાં તેઓ માસ્ક પહેરતા નથી,” તેમણે કહ્યું.
બુધવારે સવારે લાહોર વિશ્વનું સૌથી પ્રદૂષિત શહેર રહ્યું અને હવાની ગુણવત્તા સૂચકાંક 1,100 ની સપાટી વટાવી ગયો. 300 થી ઉપરનો હવા ગુણવત્તા સૂચક સ્વાસ્થ્ય માટે જોખમી માનવામાં આવે છે. શહેરમાં છેલ્લા મહિનાથી ઝેરી ‘ધુમ્મસ’એ ભરડો લીધો છે. પંજાબ પ્રાંતના વરિષ્ઠ મંત્રી મરિયમ ઔરંગઝેબે લોકોને શહેરમાં સંપૂર્ણ લોકડાઉન ટાળવા માટે માસ્ક પહેરવાની સલાહ આપી છે. શહેરના અધિકારીઓએ પ્રદૂષણને કાબૂમાં લેવા માટે ઘણા પગલાંની જાહેરાત કરી છે.
