યમનની રાજધાની સના સહિત હુથી-નિયંત્રિત વિસ્તારોમાં હવાઈ હુમલા કરવામાં આવ્યા છે. આ હુમલાઓમાં સનાની આસપાસના વિસ્તારોને પણ નિશાન બનાવવામાં આવ્યા છે. હાલમાં, આ હુમલાઓમાં કેટલું નુકસાન થયું છે અને કેટલા લોકો માર્યા ગયા છે તે અંગે કોઈ સ્પષ્ટ માહિતી નથી. 15 માર્ચે હુથી બળવાખોરો વિરુદ્ધ શરૂ કરાયેલા અભિયાનમાં આ હુમલાઓને અન્ય દિવસો કરતાં વધુ ભીષણ માનવામાં આવે છે.
સનામાં બોમ્બ ફેંકાયા
હુથી બળવાખોરો દ્વારા આપવામાં આવેલી પ્રારંભિક માહિતી અનુસાર, યમનની રાજધાની સનામાં થયેલા હુમલામાં ઓછામાં ઓછા સાત લોકો ઘાયલ થયા છે. સના 2014 થી બળવાખોરોના નિયંત્રણ હેઠળ છે. આ સમયગાળા દરમિયાન, યમનના બંદર શહેરો હોદેઇદા, સાદા, અલ-જૌફ, અમરાન અને મારીબ પ્રાંતોને પણ નિશાન બનાવવામાં આવ્યા હતા.
અમેરિકન સેનાએ શું કહ્યું?
એસોસિએટેડ પ્રેસના એક વીડિયોમાં સનામાં બોમ્બ પડ્યા પછી ધુમાડાના ગોટા આકાશમાં ઉડતા દેખાઈ રહ્યા છે. યુએસ આર્મીના ‘સેન્ટ્રલ કમાન્ડ’ એ હજુ સુધી સ્વીકાર્યું નથી કે તેણે આ હુમલાઓ કર્યા છે.
હુથીઓ કોણ છે?
હુથીઓ યમનના લઘુમતી શિયા ‘ઝૈદી’ સમુદાયનું સશસ્ત્ર જૂથ છે. આ સમુદાયે 1990ના દાયકામાં તત્કાલીન રાષ્ટ્રપતિ અલી અબ્દુલ્લા સાલેહના કથિત ભ્રષ્ટાચાર સામે લડવા માટે આ જૂથની રચના કરી હતી. તેનું નામ તેના સ્થાપક હુસૈન અલ-હુથીના નામ પરથી રાખવામાં આવ્યું છે. હુથીઓએ પોતાને ઈરાન તરફી જાહેર કર્યા છે
