આજકાલ સોશિયલ મિડિયાનો જમાનો છે,દરેક સ્ટાર્સ પોતાના ફેન્સ સાથે જોડાઇ રહેવા,અને મૂવી પ્રમોશન માટે સોશિયલ મિડિયાનો સહારો લે છે.અને દરેક સોશિયલ મિડિયા પ્લેટફોર્મ પર ઘણી એક્ટિંવ રહે છે.
પરંતુ વાત કરીએ બોલિવૂડની બેબો એટલે કરીના કપૂર સોશિયલ મીડિયાના એક પણ પ્લેટફોર્મ પર નથી. જોકે, તેની તસવીરો તથા વીડિયો અવાર-નવાર સોશિયલ મીડિયામાં વાયરલ થતા રહે છે. હાલમાં જ ઈન્સ્ટાગ્રામમાં કરીના કપૂર ખાન કરીને એક અકાઉન્ટ બનાવવામાં આવ્યું છે. આ એકાઉન્ટ પર એક વીડિયો પોસ્ટ કરવામાં આવ્યો છે.
કરીના કપૂર ખાનના ઈન્સ્ટાગ્રામમાં એક વીડિયો શૅર કરવામાં આવ્યો છે. આ વીડિયો શૅર કરીને પોસ્ટ કરવામાં આવ્યું હતું, ટૂંક સમયમાં આવું છું. વીડિયોમાં એક બિલાડી ભાગતી જોવા મળે છે. અકાઉન્ટમાં ડિસપ્લે પિકમાં કોઈનો ફોટો જોવા મળ્યો નથી.
https://www.instagram.com/p/B9V4ulcpYl6/?utm_source=ig_web_copy_link
કોઈ પણ જાતની ઓફિશિયલ જાહેરાત વગર જ હજારો યુઝર્સ આ એકાઉન્ટને ફોલો કરવા લાગ્યા છે. આ લખાય છે ત્યાં સુધીમાં આ અકાઉન્ટમાં 63.1 હજાર ફોલોઅર્સ હતાં આ અકાઉન્ટને બ્લૂ ટીક પણ નથી. એટલે કે આ અકાઉન્ટ રિયલમાં કરીનાનું જ છે કે કેમ તે ખ્યાલ નથી.
જોકે, આ અકાઉન્ટને કરીનાના ક્લોઝ ફ્રેન્ડ ડિઝાઈનર મનિષ મલ્હોત્રા તથા સ્ટાઈલિસ્ટ મોહિત રાય ફોલો કરે છે. આથી જ માનવામાં આવે છે કે આ અકાઉન્ટ કરીનાનું હોઈ શકે છે. ઉલ્લેખનીય છે કે કરીના ઘણીવાર કહી ચૂકી છે કે તે પ્રાઈવેટ પર્સન હોવાથી તે સોશિયલ મીડિયામાં આવશે નહીં.
