આજે એપલની ઓળખ ભલે પ્રીમિયમ આઈફોન બનાવનારી કંપની તરીકે થતી હોય પણ તેની શરૂઆત કૉમ્પ્યુટર બનાવવાથી થઈ હતી. એપલના ફાઉન્ડર સ્ટીવ જૉબ્સ અને સ્ટીવ વોઝનિએક દ્વારા 1976માં લૉન્ચ કરવામાં આવેલા Apple-1 કોમ્પ્યુટરની અમેરિકાના બોસ્ટનમાં આ સપ્તાહે હરાજી કરવામાં આવી.
ખાસ વાત એ છે કે, કૉમ્પ્યુટર પૂરી રીતે કામ કરી રહ્યું છે અને તેની સૌથી વધુ બોલી 458,711 ડૉલર (33,925,000 રૂપિયા)ની લગાવવામાં આવી.
Apple-1 કૉમ્પ્યુટર એપલના બ્રાન્ડિંગ સાથે તૈયાર કરવામાં આવેલી કંપનીની પ્રથમ પ્રૉડક્ટ હતી. સૌથી પહેલા પ્રૉડક્ટ ઉપરાંત ઑક્શન ઈવેન્ટમાં એપલ પ્રૉડક્ટ ડિઝાઈન એન્જિનિયર જેરી મેનોકના લાઈફટાઈમ કલેક્શનનો હિસ્સો રહેલી એપલ પ્રૉડક્ટ્સ માટે પણ બોલી લાગી.
આ કલેક્શનમાં સ્ટીવ જૉબ્સની સાઈન વાળી Macintosh PowerBookને 12,671 ડૉલર (આશરે 9.37 લાખ રૂપિયા) અને Neon Apple Logoને 1915 ડૉલર (આશરે 1.41 લાખ રૂપિયા)ની સૌથી ઉંચી બોલી પર ખરીદવામાં આવ્યા.
એપલના એડ કેમ્પેઈનમાં શામેલ રહેલી ‘think Different’ વૉચ માટે આ ઑક્શનમાં 1,375 ડૉલર (આશરે 1 લાખ રૂપિયા)ની સૌથી ઊંચી બોલી લગાવવામાં આવી. RR ઑક્શનના VPએ કહ્યું કે, ‘એપલ-1 ન માત્ર કૉમ્પ્યુટિંગની દુનિયાનો શરૂઆતી હીરો છે પણ આજે દુનિયાની સૌથી વધુ કિંમત અને સફળ કંપનીની શરૂઆતને દેખાડે છે.’
ઑક્શનમાં મૂકવામાં આવેલા મશીનને વેલ્ટર્ન મિશિગન કૉમ્પ્યુટર સ્ટોર સૉફ્ટવેર હાઉસે 1980માં એક નવું IBM મશીનના બદલામાં ખરીદ્યું હતું. ત્યારબાદ Apple-1ને સ્ટોરમાં કસ્ટમ ડિસ્પ્લે કેઝમાં રાખવામાં આવ્યું, જ્યારબાદ આ કૉમ્પ્યુટર સ્ટોરેજમાં પહોંચી ગયું. આ યૂનિટને ગત વર્ષે Apple-1 એક્સપર્ટ કોરી કોહેન તરફથી રીસ્ટોર કરવામાં આવી હતી અને કેલિફોર્નિયામાં થયેલા 2019 વિન્ટેજ કૉમ્પ્યુટર કલેક્શનમાં શોકેસ કરવામાં આવ્યું હતું. આ મશીન કામ કરવાની સ્થિતિમાં છે અને તેને કોઈપણ જાતની સમસ્યા વિના 8 કલાક ચલાવી શકાય છે.
