ઈંગ્લેન્ડના ભૂતપૂર્વ ટેસ્ટ કેપ્ટન જો રુટ ટેસ્ટ ક્રિકેટમાં જબરજસ્ત ફોર્મમાં છે. ન્યુઝીલેન્ડ સામે ચાલી રહેલી ટેસ્ટ શ્રેણીમાં જો રૂટે જોરદાર રન ફટકાર્યા હતા અને હવે તેને આનો ફાયદો મળ્યો છે. ઈંગ્લેન્ડના પૂર્વ કેપ્ટન જો રૂટ ન્યૂઝીલેન્ડ સામે ચાલી રહેલી સિરીઝમાં અત્યાર સુધી બે મેચ રમી ચૂક્યો છે, જેમાં તેણે 305 રન બનાવ્યા છે. જેમાં 2 સદીનો સમાવેશ થાય છે. જો રૂટ પ્રથમ વખત ઓગસ્ટ 2015 (917 રેટિંગ્સ) માં ટેસ્ટ રેન્કિંગમાં નંબર 1 બન્યો હતો, જ્યારે જો રૂટ છેલ્લે ડિસેમ્બર 2021 માં આ સ્થાને હતો. જો રૂટ કુલ 163 દિવસ સુધી નંબર-1 ટેસ્ટ ખેલાડી રહ્યો હતો. જો ફેબ ફોરની વાત કરીએ તો નંબર વન માટે સ્ટીવ સ્મિથ (1506 દિવસ), વિરાટ કોહલી (469 દિવસ) અને કેન વિલિયમસન (245 દિવસ) નંબર 1 છે.
બુધવારે આઈસીસી દ્વારા જારી કરવામાં આવેલા ટેસ્ટ રેન્કિંગમાં જો રુટને ટેસ્ટનો નંબર વન બેટ્સમેન જાહેર કરવામાં આવ્યો છે. 31 વર્ષીય જો રુટ કુલ 897 પોઈન્ટ સાથે નંબર વન છે. તેને એક પોઈન્ટનો ફાયદો મળ્યો છે. બીજા નંબરે માર્નસ લાબુશેન છે. તેને 892 પોઈન્ટ મળ્યાં છે.
ટીમ ઈન્ડિયાના બેટ્સમેનો પર નજર કરવામાં આવે તો ટોપ-10માં માત્ર બે જ ભારતીય છે. રોહિત શર્મા 754 રેટિંગ સાથે 8માં નંબર પર અને વિરાટ કોહલી 742 રેટિંગ સાથે 10માં નંબર પર છે.
ટોપ-10 ટેસ્ટ બેટ્સમેન
1. જો રુટ
2. માર્નસ લાબુસ્ચાગ્ને
3. સ્ટીવ સ્મિથ
4. બાબર આઝમ
5. કેન વિલિયમસન
6. દિમુથ કરુણારત્ને
7. ઉસ્માન ખ્વાજા
8. રોહિત શર્મા
9. ટ્રેવિસ હેડ
10. વિરાટ કોહલી
