ઇન્ડીય ક્રિકેટ ટીમના ઓલ રાઉન્ડર ક્રિકેટર હાર્દિક પંડ્યા પોતાની અંગત જીંદગીના લીધે મોટાભાગે ચર્ચામાં રહે છે. ઉર્વશી રૌતેલાથી માંડીને એલી અબરામ અને ઇશા ગુપ્તા જેવી હસીનાઓના સાથે તેમનું નામ જોડાયેલું છે. જોકે કોઇની સાથે હાર્દિક પંડ્યાની વાત આગળ ન વધી, પરંતુ લાગે છે કે હવે તેમની જીંદગીમાં એક એવી હસીના એન્ટ્રી મારી ચૂકી છે, જેની સાથે તે ઘર વસાવવા અંગે વિચારી રહ્યા છે……… હાર્દિક પંડ્યા થોડા સમયથી અભિનેત્રી અને મોડલ નતાશા સ્તાંકોવિકને ડેટ કરી રહ્યો છે. એટલું જ નહી રિપોર્ટ અનુસાર થોડા દિવસો પહેલાં હાર્દિક પંડ્યાએ પોતાના પરિવારજનો સાથે નતાશાની મુલાકાત કરાવી હતી……..સાંભળવામાં એ પણ આવ્યું છે કે હાર્દિક અને નતાશાના સંબંધો પર હાર્દિક પંડ્યાના પરિવારજનોએ મોહર લગાવી દીધી છે. હાર્દિકના માતા-પિતાને નતાશ ખૂબ ગમી છે અને જો આ સમાચાર સાચા હોય તો ટૂંક સમયમાં નતાશાના ઘરે શરણાઇના સૂર ગુંજતા જોવા મળશે.
