ગુજરાતમાં કોરોનાના ખતરનાક પ્રસાર થઈ ગયો છે. આજે વધુ ત્રણ 3 પોઝિટિવ કેસ સામે આવ્યા છે. જેમાં અમદાવાદમાં 13, વડોદરામાં 6, સુરતમાં 6, ગાંધીનગરમાં 6,રાજકોટ અને કચ્છમાં 1-1 કેસ પોઝિટિવ આમ છેલ્લા 6 દિવસમાં પોઝિટિવ કેસનો આંકડો 33એ પહોંચ્યો છે. જેમાંથી એક વ્યક્તિનું મોત પણ થઈ ગયું છે.
આ મામલે ગુજરાત રાજ્યના આરોગ્ય સચિવ ડૉક્ટર જયંતિ રવિ એ પ્રેસ કૉન્ફરન્સ કરીને માહિતી આપી હતી. તેમના જણાવ્યા પ્રમાણે ગુજરાત રાજ્યમાં કોરોના વાયરસ સંદર્ભે 10 લાખ લોકોનો સર્વે કરવામાં આવ્યો છે. આ ઉપરાંત 104 હેલ્પલાઇન નંબર પર જે જે લોકો ફોનકોલ કરીને માહિતી મેળવે છે અથવા સમસ્યા રજૂ કરે છે તેમને કોલબેલ કરીને તેમની સમસ્યાનું 100 ટકા સમાધાન લાવવામાં આવી રહ્યું છે.
