બોલિવુડ સ્ટાર્સ હોય કે ક્રિકેટર આજ કાલ દરેક લોકો સોશિયલ મિડિયા પર ખૂબ એક્ટિવ રહેતા હોય છે, ત્યારે ભારતીય ક્રિકેટ ટીમના કેપ્ટન વિરાટ કોહલી ઇન્સ્ટાગ્રામ પર 7 કરોડ ફોલોઅર્સ ધરાવતા પહેલા ભારતીય બન્યા છે.
ક્રિસ્ટિઆનો રોનાલ્ડો, લિયોનેલ મેસ્સી અને નેમાર પછી વિરાટ કોહલી સૌથી વધુ ફોલોઅર્સ ધરાવતો ચોથા ક્રમનો ખેલાડી બન્યો છે. તેણે આ લિસ્ટમાં 6.9 કરોડ ફોલોઅર્સ ધરાવતા બાસ્કેટબોલ ખેલાડી લેબ્રોન જેમ્સને પાછળ છોડી દીધો છે.
આપને જણાવી દઇએ કે કોહલી બાદ ઇન્સ્ટાગ્રામ પર સૌથી વધુ ફોલો થનારી ભારતીય પ્રિયંકા ચોપરા જોનાસ છે. પ્રિયંકાને 5.5 કરોડ લોકો ફોલો કરે છે. ત્રીજા સ્થાને શ્રદ્ધા કપૂર છે જેના 5.1 કરોડ ફોલોઅર્સ છે.ઇન્સ્ટામાં ફોલો થનારા ટોપ-10 ભારતીય સેલિબ્રેટીમાં એકમાત્ર ખેલાડી છે.
ભારતીય કેપ્ટન કોહલી ઇન્સ્ટાગ્રામ પર માત્ર ફોલોઅર્સના મામલે જ આગળ નથી, પણ કમાણીના મામલે પણ ટોપ પર છે. કોહલીએ લોકડાઉન દરમિયાન એક સ્પોન્સર્ડ ઇન્સ્ટાગ્રામ પોસ્ટથી દુનિયામાં સૌથી વધુ કામની કરનાર એથલીટના લિસ્ટમાં એકમાત્ર ક્રિકેટર છે.
લોકડાઉન દરમિયાન ખેલાડીઓની કમાણીના મામલે વિરાટ કોહલી છઠા ક્રમે છે. તેણે ઇન્સ્ટાગ્રામ પર ત્રણ સ્પોન્સર્ડ પોસ્ટથી રૂ. 3.6 કરોડની કામની કરી હતી. પહેલા ક્રમે ફૂટબોલર રોનાલ્ડો છે. રોનાલ્ડોએ સોશિયલ મીડિયા પ્લેટફોર્મ પરથી રૂ. 18ની કામની કરી હતી. રોનાલ્ડોના ઇન્સ્ટાગ્રામ પર 23 કરોડથી વધુ ફોલોઅર્સ છે.
ઇન્સ્ટાગ્રામ પર કમાણીના મામલે રોનાલ્ડો બાદ બાર્સેલોનાનો સ્ટ્રાઈકર લિયોનલ મેસ્સી આવે છે. મેસ્સીએ લોકડાઉન દરમિયાન 4 પોસ્ટથી 12,99,373 પાઉન્ડની કામની કરી હતી. આ સિવાય બ્રાઝિલિયન સ્ટાર જૂનિયર નેમાર ત્રીજા ક્રમે છે. નેમારને 4 પોસ્ટ માટે 11,92,211 પાઉન્ડ મળ્યા હતા.
