શું કોઈની વફાદારીનું કોઈ માપ છે? આ સવાલનો જવાબ ચીનથી આવ્યો છે. હકીકતે, ચીનના વૈજ્ઞાનિકોનો દાવો છે કે તેઓએ તેમની અદ્યતન આર્ટિફિશિયલ ઈન્ટેલિજન્સ ટેક્નોલોજીથી આવી સિસ્ટમ વિકસાવી છે. જે કહી શકે છે કે તમે કોઈના પ્રત્યે કેટલા વફાદાર છો. આ નવી અને હાઈટેક સિસ્ટમને હેફેઈ નેશનલ કોમ્પ્રીહેન્સિવ સાયન્સ સેન્ટરમાં વિકસાવવામાં આવી હોવાનો દાવો કરવામાં આવ્યો છે. નિષ્ણાંતોના મતે આ ડિવાઈસ ચહેરાના હાવભાવ, મગજના EEG રીડિંગ્સ અને ત્વચામાં થતા ફેરફારોના આધારે કોઈપણ વ્યક્તિનો ટેસ્ટ કરી શકે છે.
એક વીડિયો જાહેર કરતી વખતે ચીને દાવો કર્યો હતો કે તેનું પરીક્ષણ થતાં જ પરિણામ તરત જ જાહેર થઈ જાય છે. તેના દાવાને સાબિત કરવા માટે જે વીડિયો બહાર પાડવામાં આવ્યો હતો તે પછીથી ડિલિટ કરવામાં આવ્યો હતો. ચીનના સંશોધકનો દાવો છે કે માઇન્ડ રીડિંગના કામમાં આર્ટિફિશિયલ ઇન્ટેલિજન્સ સિસ્ટમનો ઉપયોગ કરવામાં આવ્યો છે. તે કમ્યુનિસ્ટ પાર્ટીના સભ્યોની વફાદારી પણ તપાસશે. આ સંબંધમાં એવો પણ દાવો કરવામાં આવ્યો છે કે પાર્ટીના 43 સભ્યોએ આ ટેસ્ટ માટે પોતાની મંજૂરી આપી દીધી છે. જો કે એ અલગ વાત છે કે ભૂતકાળમાં એવા આક્ષેપો થયા છે કે ચીન શિનજિયાંગ ક્ષેત્રમાં ઉઇગુર મુસ્લિમોની લાગણીઓને પારખવા માટે ચહેરાની ઓળખ અને આર્ટિફિશિયલ ઇન્ટેલિજન્સ (AI) વાળા કેમેરાનો ઉપયોગ કરી રહ્યું છે.
ચીન જે ટેક્નીકને આર્ટિફિશિયલ ઈન્ટેલિજન્સના નામ પર લઈને આવ્યું છે. ભારતમાં આ જ પ્રકારની ટેક્નોલોજીનો ઉપયોગ પહેલાથી જ થઈ રહ્યો છે. કાયદાકીય બાબતોમાં, ભારતમાં સાચા અને ખોટા ડિટેક્શન પોલીગ્રાફ ટેસ્ટનો ઉપયોગ થાય છે. ચાઈનીઝ ટેક્નોલોજીની જેમ આ ટેસ્ટમાં પણ મગજના અમુક તરંગો, ત્વચાના ફેરફારો અને ચહેરાના હાવભાવની તપાસ કરવામાં આવે છે જેથી સત્ય અને જૂઠની ખબર પડે.
Loyalty Test માટે અપનાવવામાં આવતા મશીનમાંથી મેળવેલ સ્કોર 99 ટકા સુધી સાચો ગણવામાં આવે છે. ભારતમાં આજકાલ ઘણા લોકો લગ્ન પહેલા પોતાના જીવનસાથી અથવા લગ્ન પછીના ગેરકાયદેસર સંબંધની શંકા દૂર કરવા માટે આ ટેસ્ટ કરાવતા હોય છે. નિષ્ણાંતોના મતે છેલ્લા કેટલાક વર્ષોમાં ભારતમાં આવા પરીક્ષણો કરાવવાનું ચલણ વધ્યું છે.
હકીકતે ટેસ્ટ માટે કેટલાક મશીનો લગાવવામાં આવે છે. ત્વચામાં થતા ફેરફારોને વાંચવા માટે, આંગળીઓમાં ઇલેક્ટ્રોડ મૂકવામાં આવે છે. જે શરીરમાં લોહીના પ્રવાહને માપે છે કે શું તે વધી રહ્યું છે કે ઘટી રહ્યું છે. આ સિવાય ત્વચામાં થતા વાઇબ્રેશન પણ વાંચી શકાય છે. શરીરમાં ગુસબમ્પ્સની તપાસ કરી શકાય છે. મશીન છાતી પર અને પેટ પર પણ લગાવવામાં આવે છે. જ્યારે છાતીનું મશીન હૃદયના ધબકારા તપાસે છે. ત્યારે પેટમાં થતી ગુડગુડ માટે ઉપકરણ પણ ઇન્સ્ટોલ કરેલું છે. બ્લડ પ્રેશર મોનિટર દ્વારા બીપીમાં થતા ફેરફારોને ટ્રેક કરવામાં આવે છે. મગજમાં થતા ફેરફારોને વાંચવા માટે બ્રેઈન મેપિંગ કરવામાં આવે છે. આ માટે EEG પણ કરી શકાય છે જે ચીન કરી રહ્યું છે.
