રિલાયન્સના જિયો પ્લેટફોર્મે આજે પોતાના વીડિયો કોન્ફરન્સિંગ એપ JioMeet લોન્ચ કર્યું છે. આ એપ ગૂગલ પ્લે અને આઈફોનના પ્લે સ્ટોર પર ઉપલબ્ધ છે. આ વીડિયો કોલ એપની ખાસિયત છે કે તેની ક્વોલિટી HD હશે અને એકસાથે 100 લોકો વીડિયો કોન્ફરન્સ કોલ કરી શકે છે. JioMeet આવતા મહિના સુધીમાં યૂઝર્સના ફોનમાં બીટા વર્ઝન પર કામ કરશે.
રિલાયન્સે આજે પોતાના JioMeet એપને એન્ડ્રોઈડ અને એપલ બંનેને માટે લોન્ચ કર્યું છે. આ એપ પર એકસાથે 100 લોકો વીડિયો કોન્ફરન્સ કરી શકે છે. તેમાં કોલ શરૂ કરવા માટે કોઈ કોડ કે ઈનવાઈટ્સની જરૂર રહેતી નથી, જે લોકો ડેસ્કટોપથી આ એપનો ઉપયોગ કરવા ઈચ્છે છે તેમને JioMeetના ઈનવાઈટ લિંક પર ક્લિક કરવાનું રહે છે. તેને માટે એપને ડાઉનલોડ કરવાની જરૂર રહેતી નથી.
આ એપમાં કેટલાક અન્ય ખાસ ફીચર્સ પણ છે. જેને તમે તમારી મીટિંગને શિડ્યુલ કરવા વાપરી શકો છો. એકમેકની સાથે સ્ક્રીન શેર કરી શકો છો. આ વીડિયો કોન્ફરન્સિંગ પ્લેટફોર્મનો ઉપયોગ ગૂગલ ક્રોમ અને મોઝિલા ફાયરફોક્સ પર પણ કરી શકાય છે. આ માટે તમારે કોઈ ચાર્જ આપવાનો રહેતો નથી. આ એપ સંપૂર્ણ ફ્રી છે.
મોબાઈલ પર આ એપનો ઉપયોગ કરવા માટે સૌ પહેલાં ગૂગલ પ્લે સ્ટોર કે આઈફોનના એપ સ્ટોર પર જાઓ. અહીં JioMeet એપ સર્ચ કરીને તેને ડાઉનલોડ કરો.જો તમે ડેસ્કટોપ પર આ એપનો ઉપયોગ કરવા ઈચ્છો છો તો તેને માટે આ લિંક પર ક્લિક કરી શકો છો. https://jiomeetpro.jio.com/home#download. અહીં તમને તેને ડાઉનલોડ કરવાનો વિકલ્પ મળશે.જિયો પ્લેટફોર્મ્સે 30 એપ્રિલે જાહેરાત કરી હતી કે તે વીડિયો કોલિંગ સર્વિસ શરૂ કરશે.
આ વીડિયો કોન્ફરન્સિંગ એપના લોન્ચિંગ એ સમયે થઈ હતી જ્યારે કોરોના વાયરસનો કહેરના કારણે મોટાભાગના લોકો વર્ક ફ્રોમ હોમ કરી રહ્યા છે. આ એપની સાથે જિયો પ્લેટફોર્મ્સની ટક્કર Zoom, Google Meet, WebExની સાથે થશે.
