૧૦ થી ૨૫ જાન્યુઆરી દરમિયાન ચલાવવામાં આવી રહેલા ડ્રગ ડિસ્પોઝલ પખવાડિયા હેઠળ નાર્કોટિક્સ કંટ્રોલ બ્યુરો (NCB) ના અમદાવાદ ઝોનલ યુનિટે ૪,૫૪૩.૪ કિલોગ્રામ નાર્કોટિક્સ અને સાયકોટ્રોપિક ડ્રગ્સનો નાશ કર્યો છે. આ ડ્રગ્સની બજાર કિંમત 870 કરોડ રૂપિયા હોવાનું કહેવાય છે.
નિકાલ કરાયેલા ડ્રગ્સમાં હેરોઈન (૮૮.૭૨૭ કિગ્રા), ચરસ (૩,૧૮૫.૬૮૫ કિગ્રા), ટ્રામાડોલ (૫૦૦.૩૧૦ કિગ્રા), મેથામ્ફેટામાઈન (૭૪૮.૩૩૪ કિગ્રા) અને અન્ય પદાર્થોનો સમાવેશ થાય છે. NCB ની નિયમિત ડ્રગ નિકાલ સમિતિ અને ઉચ્ચ-સ્તરીય પેનલની દેખરેખ હેઠળ NDPS કાયદા હેઠળ આનો નાશ કરવામાં આવ્યો હતો.
ડ્રગ્સના દુરુપયોગ સામે આ રાષ્ટ્રવ્યાપી ઝુંબેશ 11 જાન્યુઆરીના રોજ કેન્દ્રીય ગૃહમંત્રી અમિત શાહ દ્વારા ડ્રગ્સની હેરફેર અને રાષ્ટ્રીય સુરક્ષા પર એક પ્રાદેશિક પરિષદ દરમિયાન શરૂ કરવામાં આવી હતી. આ ઝુંબેશનો ઉદ્દેશ્ય ડ્રગ વ્યસનની સમસ્યાને નાબૂદ કરવા માટે દેશની પ્રતિબદ્ધતાને મજબૂત બનાવવાનો છે.
