બિગ બોસ 16માં જ્યારથી સાજિદ ખાનની એન્ટ્રી થઈ છે ત્યારથી સોશિયલ મીડિયા પર દરરોજ સાજિદ ખાનને લઈને અવનવા ખુલાસા થઈ રહ્યા છે. સામાન્ય જનતાની સાથે સાથે અમુક સેલિબ્રિટીઓએ પણ સાજિદ વિરુધ્ધ નિવેદન આપવાનું શરૂ કરી દીધું છે. ઘણા બધા લોકો સાજિદ ખાનની વિરુધ્ધ છે પણ ઘણા તેમના સહકારમાં પણ છે. તેમના વિરોધમાં હવે હજી એક નામ જોડાઈ ગયું છે.
ટીવી અભિનેત્રી કનિષ્કા સોનીએ સાજિદ ખાન પર ખૂબ ગંભીર આરોપ લગાવ્યો છે. કનિષ્કા સોનીએ થોડા સમય પહેલા જ પોતાની સાથે લગ્ન કર્યા છે. ત્યારે પણ તેઓ ખૂબ ચર્ચામાં રહી હતી. હવે કનિષ્કાએ દાવો કર્યો છે કે સાજિદ ખાનએ તેની સાથે ગંદી હરકત કરી હતી. સોશિયલ મીડિયા પર તેણે એક વિડીયો શેર કરીને પોતાની એ વાતનો ખુલાસો કર્યો છે.
વિડીયોમાં કનિષ્કા સોનીએ ઘણી બધી વાતો કહી છે તેણે કહ્યું છે કે, ‘હું કોઈનું નામ નથી લેવા માંગતી. થોડા સમય પહેલા જ મે એક પ્રોડ્યુસર વિશે વાત કરી હતી. આ પ્રોડ્યુસરએ મને તેમના ઘરે બોલાવી હતી. ઘરે તેમણે મને મારુ પેટ દેખાડવા કહ્યું હતું. આ ઘટના વર્ષ 2008ઇ છે જ્યારે મને તેણે પોતાની ફિલ્મમાં કામ આપવાનું વચન આપ્યું હતું.
તેણે મને ટીશર્ટ પણ કાઢવા માટે કહ્યું હતું. હવે મને એવું જાણવા મળ્યું છે કે આ વ્યક્તિ બિગ બોસના ઘરમાં ચાલ્યો ગયો છે અને પરિવારના લોકો હવે ઈચ્છે છે કે એ વ્યક્તિ વિષે હું ખુલ્લા મનથી વાત કરું.’
View this post on Instagram
કનિષ્કા વધુ જણાવે છે કે ‘હું બધાને મારી કહાની જણાવવા માંગુ છું. તે કામ આપવાના બદલામાં મારો ફાયદો ઉઠાવવા માંગતો હતો. હું મરી કહાની કહેતા ડરી રહી છું. હું જાણું છું કે તેઓ બહુ મોટા વ્યક્તિ છે. હકીકત બહાર આવવા પર મને ભારતમાં આવવા નહીં મળે. તેની પહોંચ બહુ ઉપર સુધી છે. તે કશું પણ કરી શકો છો. તે મારો જીવ પણ લઈ શકે છે. મને વિશ્વાસ છે કે એક દિવસ મને ન્યાય મળશે. હું તમને જણાવવા માંગુ છું કે હું અહિયાં સાજિદ ખાન વિષે વાત કરી રહી છું.’
કનિષ્કા સોનીએ જણાવ્યું કે, ‘હું સલમાન ખાનને પૂછવા માંગુ છું કે શું બિગ બોસના ઘરમાં જવા માટે કોઈપણની પાત્રતા નથી જોવામાં આવતી? સલમાન ખાન મારા ફેવરિટ એક્ટર છે. તેમણે સાજિદ ખાનનો સપોર્ટ કર્યો છે. હું જે પણ કહી રહી છું તે સાચું છે. આ ખુલાસો કર્યા પછી હવે હું ક્યારેય પણ ઈન્ડિયા પાછી આવવાની નથી. હું નબળી નથી પણ ડરી ગઈ છું. હું પાવરફૂલ છું. હવે હું હોલીવુડમાં મારા કરિયરની નવી શરૂઆત કરીશ.’
