ટીવી સીરીયલ તારક મહેતા કા ઉલ્ટા ચશ્મા છેલ્લા 10 વર્ષથી દર્શકોને હસાવી રહ્યો છે. લગભગ 2 વર્ષથી આ શોની લીડ એક્ટ્રેસ દિશા વાકાની એટલે કે દયા બેન પ્રેગ્નન્સીના કારણે આ શોથી દૂર છે. હવે સમાચાર છે કે વધુ એક એક્ટ્રેસ પ્રિયા આહુજા પણ મા બનવા જઈ રહી છે. આજ કારણ છે કે પ્રિયા હવે આ શોમાં જોવા નહીં મળે. તાજેતરમાં પ્રિયાએ તેના બેબી બમ્પ સાથે તસવીરો શેર કરી છે.
પ્રિયા આહુજા આ શોમાં રીટાની ભૂમિકા નીભાવી રહી છે.આ ફોટામાં પ્રિયા ખૂબસૂરત સફેદ રંગના ફ્લોરલ ડ્રેસમાં જોવા મળી હતી. ફોટો જોઈને અંદાજો લગાવી શકાય કે તે ઘણી ખુશ લાગી રહી છે. તે પ્રેગ્નન્સીના લાસ્ટ દિવસોને એન્જોય કરી રહી છે. સાથે તેની જોડે તારક મહેતા કા ઉલ્ટા ચશ્મામાં તેના કો-સ્ટાર નિધિ ભાનુશાલી એટલે કે જૂની સોનુ અને કુશ શાહ એટલે કે ગોલી પણ જોવા મળ્યા હતા.
શોની લીડ એક્ટ્રેસ દિશા વાકાણીની ફેન્સ આતુરતાથી રાહ જોઈ રહ્યા છે. તેની વચ્ચે દિશા એક-બે સીન્સ માટે શોમાં જોવા મળી હતી. જોકે આટલા લાંબા ગેપ પછી શોના મેકર્સ તેને રિપ્લેસ નથી કરી રહ્યા. આ શો 10 વર્ષથી ટીવી પર ચાલી રહ્યો છે.
