‘તારક મહેતા કા ઉલ્ટા ચશ્મા’ એક એવી કોમેડી સીરિયલ છે, જે દર્શકોને હસાવી હસાવીને દીલ જીતી લીધું છે. આજે દરેક ઘરમાં તારક મહેતા સીરિયલના કેરક્ટર ઘેર ઘેર ફેમસ થઈ ગયા છે. ના તો એેમાં ત્યાં ક્યારે કોઈ લીપ આવ્યો અને કેરેક્ટર્સને લઈને પણ કોઈ છેડખાની કરવામાં આવી નથી. સબ ટીવી પર છેલ્લા ૧૨ વર્ષથી આ સીરિયલ દર્શકોને હસાવી રહી છે. આ સીરિયલ લોકોમાં ખૂબ જ લોકપ્રિય છે. ત્યારે આ સીરિયલના કલાકારો પણ ઘણાં પોપ્યુલર છે અને તેમાંથી એક લોકપ્રિય પાત્ર છે પત્રકાર પોપટલાલ. આ રોલ શ્યામ પાઠક પ્લે કરી રહ્યા છે. તે શરૂઆતથી આ શો સાથે જોડાયેલો છે. અને તે શોમાં તેના લગ્નને લઈને ચર્ચામાં રહે છે.
પોપટલાલ હમેશાં દુનિયા હલાવી દેવાની વાત કરતો હોય છે. પણ એક સમય એવો આવ્યો હતો જ્યારે તેની દુનિયા હલી ગઈ હતી. અને તેને શોમાંથી કાઢી મૂકવામાં આવ્યો હતો. જેની પાછળનું કારણ હતું તેનું અનપ્રોફેશનલ બિહેવિયર. અને આ વાત છે ૨૦૧૭ની આસપાસની. અને જે એક એન્ટરટેનમેન્ટ ન્યૂઝ પોર્ટલના અહેવાલમાં જણાવવામાં આવ્યું હતું.
તો જણાવી દઈએ કે આવું કેમ બન્યું હતું, કીકતમાં એક વખત શોમાં જેઠાલાલનો રોલ પ્લે કરનાર દિલીપ જોશીને લંડનમાં એક સ્ટેજ શો પર્ફોમ કરવા માટે જવાનું હતું. તે ત્યાં પહોંચ્યો પછી ઓડિયન્શે તેને પોપટલાલ સાથે પર્ફોમન્સ આપવાની અપીલ કરી. જેઠાલાલે પોપટલાલને ફોન કર્યો, પોપટલાલ ઈન્ડિયામાં જ હતો. પછી જેઠાલાલના ત્યાંથી જતા રહ્યાં અને પર્ફોમન્સ એક્સટેન્ડ કરી દેવામાં આવ્યું હતું. જેઠાલાલની વાત માનીને પોપટલાલે સ્ટેજ શો કરવાની હાં પાડી દીધી અને તે તરત જ લંડન પહોંચી ગયો. પરંતુ તેણે આ વાતની જાણકારી તારક મહેતાના ક્રૂને આપી નહીં. લંડનમાં તો પ્રોગ્રામ જબરદસ્ત રહ્યો પરંતુ શ્યામ પાઠક લંડનમાં હોવાને કારણે મેકર્સને શૂટિંગના સમયે શોના સેટ પર તેની રાહ જોવી પડી હતી અને તારક મહેતાના સેટ પર સમસ્યા વધી ગઈ. લંડનથી પરત ફર્યા બાદ જ્યારે શામ પાઠકને શૂટિંગ પર ન આવવા વિશે પૂછવામાં આવ્યું તો આ સવાલ પર અસિત મોદી અને શ્યામ વચ્ચે બોલાચાલી થઈ ગઈ.
પોપટલાલે માંગી માફી
આ ઘટના પછી પોપટલાલને તારક મહેતામાંથી કાઢી મૂકવામાં આવ્યો હતો અને શોમાંથી બહાર થયા બાદ પોપટલાલ 4 દિવસ સુધી ઘરે જ રહ્યો હતો. આ દરમિયાન તેને તેની ભૂલનો એહસાસ થયો અને પછી તેણે પ્રોડ્યૂસર્સથી માફી માંગી. જે બાદ તેને માફી મળી ગઈ અને તે ફરી શૂટિંગ કરવા લાગ્યો.
