કોરોના વાયરસે ભારતને બાનમાં લીધું છે. કોરોના વાયરસના કેસમાં સતત વધારો થઇ રહ્યો છે એવામાં મનોરંજન જગત પણ કોરોના વાયરસના કેસ વધી રહ્યા છે. સદીના મહાનાય અમિતાભ બચ્ચન બાદ હવે સિરિયલ જગતના પોપ્યુલર એક્ટર પાર્થ સમથાન પણ કોરોના પોઝિટિવ થયા છે. તેમની સોશ્યલ મીડિયા પોસ્ટ ખૂબ ઝડપથી વાયરલ થઇ રહી છે.
મનોરંજન દુનિયામાં કોરોના વાયરસનું સંક્રમણ વધ્યું છે. બોલિવૂડના મહાનાયક અમિતાભ બચ્ચન અને પુત્ર-પૂત્રવધુ અને આરાધ્યાને પણ કોરોના વાયરસ થયો છે. એવામાં ટીવી જગતના પ્રખ્યાત અભિનેતા પાર્થ સમથાન પણ કોરોના સંક્રમિત થયા છે. આ વાતની જાણકારી તેમણે પોતે સોશ્યલ મીડિયા પર આપી છે.
સિરિયલની દુનિયામાં કૈસી યે યારિયા અને કસૌટી જિંદગી કે અને યે હૈ આશિકીમાં પાર્થ સમથાનના રોલને ખૂબ પસંદ કરવામાં આવે છે. તેમણે સોશ્યલ મીડિયા પર ખુલાસો કરતા કહ્યું કે તે કોરોના સંક્રમિત થઇ ગયા છે. પાર્થે પોતાના ઈન્સ્ટાગ્રામ એકાઉન્ટ પર એક તસવીર શેર કરી અને તેમાં તેમણે કોરોના સંક્રમિત થયાની જાણકારી આપી.
પાર્થ સમથાને પોસ્ટમાં લખ્યું કે ‘મને કોરોના વાયરસના હલકા લક્ષણો જાણતા હતા તેથી મેં ટેસ્ટ કરાવ્યો અને રિપોર્ટ પોઝિટિવ આવ્યો છે. પાછલા દિવસોમાં જે પણ લોકો મારા આસપાસ રહ્યા તે બધાને વિંનતી કરું છું કે ટેસ્ટ કરાવી લો. તબીબોના દિશા-નિર્દેશ અનુસાર હું સેલ્ફ કવોરાન્ટાઇનમાં છું.’ આગળ તેમણે કહ્યું કે તમે બધા સુરક્ષિત રહો અને પોતાનું ધ્યાન રાખો.
સોશ્યલ મીડયા પર પાર્થ સમથાનની પોસ્ટ ખૂબ ઝડપથી વાયરલ થઇ રહી છે. તેમના ચાહકો તેમના માટે જલ્દી સાજા થવાની પ્રાર્થના કરી રહ્યા છે.
