મુકેશ અને નીતા અંબાણીની દીકરી ઈશા ના લગ્ન 12 ડિસેમ્બરના રોજ આનંદ પીરામલ સાથે મુંબઈમાં યોજાવાના છે. લગ્ન પહેલા અંબાણીના ઘરે ગ્રહશાંતિ પૂજા કરવામાં આવી.. આ ગ્રહશાંતિ પૂજા માં ઈશા અંબાણી પ્રિન્સેસની જેમ તૈયાર થઈ હતી. ઈશાએ ડિઝાઈનર સબ્યસાચીએ ડિઝાઈન કરેલા ખાસ લહેંગામાં જોવા મળી.
સબ્યસાચી સેલેબ્સના ફેવરિટ ડિઝાઈનરમાંથી એક છે. અને ઈશા અંબાણી માટે પૂજાનો લુક સબ્યસાચીએ ડિઝાઈન કર્યો હતો. સબ્યસાચીએ ઈન્સ્ટાગ્રામ પર આ લૂક શેર કર્યો છે.
સબ્યસાચીએ બંધેજ ગોટા પટ્ટી લહેંગામાં હેન્ડ એમ્બ્રોડરી તિલ્લા વર્કનું કામ કર્યુ છે. ઈશાએ હીરા અને પન્નાથી મઢેલ નેકલેસ પહેર્યુ હતુ. સાથે આ લુકને સોશિયલ મીડિયા પર ખૂબજ પ્રશંસા મળી રહી છે.
જણાવી દઈએ કે આ પહેલા અંબાણી પરિવારે સપ્ટેમ્બરમાં ઈટલીના લેકકોમામાં ઈશા સાથે સગાઈ કરી હતી. જેના ફોટાઓ ખુબજ વાયરલ થયા છે.
આ સિવાય અંબાણી અને પીરામલ પરિવાર છેલ્લા 40 વર્ષથી દોસ્ત છે. સૌથી અમીર આદમી મુકેશ અંબાણી રિલાયન્સ ઈન્ડસ્ટ્રીઝ લિમિટેડના ચેરમેન છે તો આનંદના પિતા અજય પીરામલ તેમની કંપની પીરામલ ગ્રુપ ઓફ કંપનીના ચેરમેન છે.
