બોલિવૂડના દિગ્ગજ અભિનેતા ઇરફાન ખાને 29 એપ્રિલે દુનિયાને અલવિદા કહ્યું હતું. ઇરફાન ખાનના નિધનથી આખા બોલિવૂડ સહિત દેશભરમાં શોકનો માહોલ સર્જાયો હતો. એક જબરદસ્ત અભિનેતા અને શાનદાર વ્યક્તિત્વ ધરાવતા ઇરફાન ખાન પોતાની પાછળ કેટલીક યાદો મૂકીને ગયા છે અને આ સાથે એક ફિલ્મ પણ છે જેમાં ઇરફાન કામ કરવાના હતા.
આ ફિલ્મ માટે ઇરફાન ખાનનું નામ પહેલાથી જ ફાઇનલ હતું અને ઇરફાન ખાનને ધ્યાનમાં રાખીને જ ફિલ્મની સ્ક્રીપ્ટ પર કામ ચાલી રહ્યું હતું. પંરતુ આ વચ્ચે તેમના મોતની ખબર આવી. તેથી ફિલ્મના હિરોને લઈ મુશ્કેલીઓ ઉભી થઈ.
પરંતુ હવે એવી માહિતી મળી છે કે ફિલ્મ માટે ઇરફાન ખાનની જગ્યાએ બોલિવૂડના અન્ય એક જાણીતા અને લોકપ્રિય અભિનેતાનું નામ ફાઇનલ થયું છે. જો કે, અભિનેતા તરફથી આ અંગે કોઈ પ્રતિક્રિયા અત્યાર સુધી સામે આવી નથી.
રિપોર્ટ મુજબ આ ફિલ્મ ડાયરેક્ટર આનંદ ગાંધી બનાવી રહ્યા છે. આનંદ ઇરફાનને ધ્યાનમાં રાખીને આ ફિલ્મની કહાની લખી રહ્યા હતા. એવું કહેવામાં આવી રહ્યું છે કે ફિલ્મની કહાની કોરોના વાયરસ જેવી એક મહામારીના કારણે ઉત્પન્ન થયેલ પરિસ્થિતિઓ પર આધારિત છે.
આનંદ ગાંધી આ ફિલ્મમાં ખાસ રોલ માટે ઇરાફાન ખાન બાદ હવે અભિનેતા સુશાંત સિંહ રાજપૂતને લેવા માંગે છે. આ સિવાય તે ઓસ્ટ્રેલિયન એક્ટર હ્યૂગો વીવિંગને પણ ફિલ્મમાં કાસ્ટ કરવા ઇચ્છે છે. આ ફિલ્મ માટે હાલ એક્ટ્રેસનું નામ ફાઇનલ નથી થયું.
