બોલિવૂડમાં કોરોના સંકટ સતત વધી રહ્યું છે. ગઈકાલે મોડીરાતે અભિષેક બચ્ચન અને અમિતાભ બચ્ચનનો કોરોના રિપોર્ટ પોઝિટિવ આવ્યો છે અને સાથે જ તેમને સારવાર માટે હોસ્પિટલમાં દાખલ કરાયા છે. તો અન્ય તરફ બોલિવૂડની જાણીતી અભિનેત્રી રેખાના સિક્યોરિટી ગાર્ડનો કોરોના રિપોર્ટ પોઝિટિવ આવતાં રેખાનો બંગલો સીલ કરાયો છે.
ઉલ્લેખનીય છે કે BMCએ રેખાના બંગલાને માઈક્રો કન્ટેઈનમેન્ટ ઝોન જાહેર કર્યો છે. રેખાના બંગલા પર રહેતા 2 સિક્યોરિટી ગાર્ડમાંથી એકનો રિપોર્ટ પોઝિટિવ આવ્યો છે. BMCએ રેખાના બંગલાને સેનેટાઈઝ પણ કર્યો છે.
ઉલ્લેખનીય છે કે ગઈકાલે મોડીરાતે અમિતાભ બચ્ચન અને અભિષેક બચ્ચનનો પણ કોરોના રિપોર્ટ પોઝિટિવ આવ્યો છે. તેમનામાં કોરોનાના સામાન્ય લક્ષણો જોવા મળતાં તેમને હોસ્પિટલમાં દાખલ કરાયા છે અને તેમની સારવાર ચાલી રહી છે.
આ સાથે પરિવારમાં જયા બચ્ચન અને ઐશ્વર્યા રાય બચ્ચનનો રિપોર્ટ નેગેટિવ આવ્યો છે. બોલિવૂડ કલાકારો પર કોરોના સંકટ હાવી થઈ રહ્યું છે. કોરોનાના સંકટને કારણે આજે બચ્ચન પરિવારનો બંગલો સેનેટાઈઝ કરવામાં આવશે.
