ફિલ્મ ઇન્ડસ્ટ્રીમાં કોરોના વાયરસ સંક્રમણના કિસ્સા વધતા જાય છે. અમિતાભ બચ્ચન બાદ અભિષેક બચ્ચનને કોરોના પોઝીટીવ આવ્યો છે અને બચ્ચન પરિવાર બાદ હવે અનુપમ ખેરના ઘર સુધી કોરોના વાયરસ પહોંચ્યો છે. અનુપમ ખેરના માતા દુલારીને કોરોના પોઝીટીવ આવ્યો છે. અનુપમે ટ્વિટ કરીને જાણકારી આપી હતી.
અનુપમ ખેરના આખા પરિવારનો કોરોના ટેસ્ટ કરવામાં આવ્યો હતો, જેમાં તેમના ભાઇ, ભાભી અને ભત્રીજી કોરોના સંક્રમિત થયા છે. જ્યારે અનુપમનો કોરોના રિપોર્ટ નેગેટિવ આવ્યો છે.
છેલ્લા ઘણા સમયથી અનુપમની માતા કંઇ ખાતા પિતા નહોતા, માત્ર સૂઇ રહેતા હતા. જેના કારણે તેમનો બ્લડ ટેસ્ટ કરાવવામાં આવ્યો હતો, બ્લડ રિપોર્ટમાં બધુ નોર્મલ જ હતુ બાદમાં તેમને સિટી સ્કેન સેન્ટર લઇ જવામાં આવ્યા. જ્યાં તેમનો કોરોના રિપોર્ટ પોઝીટીવ આવ્યો હતો.
માતા પોઝીટીવ આવતા અનુપમ ખેરના ભાઇ રાજુએ પણ તેમનો કોરોના ટેસ્ટ કરાવડાવ્યો હતો. અનુપમનો રિપોર્ટ નેગેટિવ જ્યારે રાજૂ, તેની પત્ની અને દીકરીનો રિપોર્ટ પોઝીટીવ આવ્યો હતો. અનુપમે કહ્યું કે આ તેમની ફરજમાં આવે છે કે સર્વોને માહિતગાર કરે.
અનુપમે ટ્વિટ કરીને તેમના ફેન્સ સુધી આ માહિતી પહોંચાડી છે. BMC દ્વારા આગળની કામગીરી હાથ ધરવામાં આવી હતી અને તેમના આખા ઘરને સેનેટાઇઝ કરવામાં આવ્યુુ હતું. તેમની માતા તેમજ ભઇને હલ્કા સિમટમ્સ છે જ્યારે ભાભી અને ભત્રીજી વિશે એક્ટરે ખુલાસો કર્યો નથી.
