બૉલિવૂડના અભિનેતા ઇરફાન ખાનનું અવસાન થયું છે. ઇરફાનના મોતના સમાચારથી સમગ્ર વિશ્વ જ્યારે હચમચી ગયું છે અને કલાકારોમાં શોકની લાગણી વ્યાપી ગઈ છે ત્યારે હૉલિવૂડની અભિનેત્રી એંજેલિના જોલીએ પણ આ સમાચાર જાણીને ખૂબ દુ:ખ વ્યક્ત કર્યુ છે. ઇરફાન ખાને એંજેલિના જોલી સાથે હૉલિવૂડમાં કામ કર્યુ હતું.
ઇરફાન ખાને અને એંજેલિના જોલીએ હૉલિવૂડની ફિલ્મ અ માઇટી હાર્ટમાં સાથે કામ કર્યુ હતું. આ ફિલ્મમાં એંજેલિના જોલીએ અમેરિકન પત્રકાર ડેનિયલ પર્લની વિધવા પત્ની મેરિયાનેનો રોલ કર્યો હતો. જ્યારે આ ફિલ્મમાં ઇરફાન ખાન કરાચી પોલીસ વડા જીશાન કાઝમીના રોલમાં હતો.
એંજેલિનાએ લખ્યું કે ઇરફાન સાથે કામ કરવું એ મારા માટે ઉપલબદ્ધી હતી. એક કલાકાર તરીકે તે ખૂબ સાફ હતા. કોઈ પણ સીનમાં તેની સાથે કામ કરવું મારા માટે સરળ હતું. હું તેના કમીટમેન્ટને યાદ કરું છું. આ સાથે એની સ્માઇલને યાદ કરું છું. ઇરફાનના મિત્રો, પરિવાર અને ચાહકો પ્રત્યે મારી સંવેદના છે
ઇરફાનને યાદ કરતા હૉલિવૂડના મોટા ગજાના કલાકારોએ પણ શ્રદ્ધાંજલિ આપી છે. હૉલિવૂડમાંથી અભિનેતા બ્રાયસ હૉવર્ડ, નતાલી પોર્ટમેન, સહિતના કલાકારોએ શ્રદ્ધાંજલિ આપી હતી.
ફિલ્મ જુરાસિક વર્લ્ડમાં ઇરફાન સાથે કામ કરનારા અભિનેતા ક્રિસે પેટે લખ્યું કે ‘મોટા પડદાના મહાન કલાકાર ઇરફાનના અવસાનના સમાચાર જાણીને દુખી છું. આવી ફિલ્મો જોતા વખતે તેની યાદ આવશે.’
