અત્યારે દેશ અને દુનિયામાં લોકડાઉન ચાલી રહ્યું છે,ત્યારે લોકડાઉનને કારણે સિનેમાઘરો પણ બંધ છે,જેની અસર ઘણી બધી બોલિવુડ ફિલ્મો પર પડી રહી છે,અક્ષય કુમાર અને કિઆરા અડવાણીની ફિલ્મ લક્ષ્મી બોમ્બને રિલીઝ કરવાની તજવીજ શરૂ થઇ ગઇ છે. ફિલ્મ નિર્માતા આ ફિલ્મને ઓન લાઇન પ્લેટફોર્મ પર રિલીઝ કરવા પ્રયાસ કરી રહ્યા છે.
સોશિયલ મીડિયાના પોર્ટલના અનુસાર દિગ્દર્શક રાઘવ લોરેન્સની ફિલ્મ લક્ષ્મી બોમ્બના નિર્માતા ફિલ્મને ઓનલાઇન પ્લેટફોર્મ પરથી રિલીઝ કરવા માટે ડિઝની પ્લસ હોટસ્ટાર સાથે વાતચીત કરી રહ્યા છે.
રિપોર્ટની માનીએ તો દિગ્દર્શક રાઘવ લોરેન્સ આ બાબતે ડિઝની પ્લસ હોટસ્ટાર સાથે રિલીઝ કરવા તારીખની ચર્ચા કરી રહ્યો છે. આ ફિલ્મનું શૂટિંગ પૂરું થઇ ગયું છે પરંતુ પોસ્ટ પ્રોડકશન કામ થોડું બાકી છે. તેથી ફિલ્મની ટીમ તેને હોમ ફ્રોમ વર્ક દ્વારા પુરું કરી રહી છે. આ ફિલ્મ રિલીઝ માટે જુન મહિનામાં તૈયાર થાય તેવી શક્યતા છે.
હાલ તો દેશમાં ૩ મે સુધી લોકડાઉનની ઘોષણા કરવામાં આવી છે. પરંતુ થિયેટરો ખુલતા વાર લાગશે. સોશિયલ ડિસ્ટન્સિંગના કારણે થિયેટરો જલદી ખુલેતેવી કોઇ સંભાવના નથી. તેથી ફિલ્મ મેકર્સ પોતાની ફિલ્મને ઓનલાઇન રિલીઝ કરવાનો વિચાર કરી રહ્યો છે. જો આમ થશે તો અક્ષય કુમાર પ્રથમ એવો અભિનેતા હશે જેની ફિલ્મ ઓટીટી પ્લેટફોર્મ પર રિલીઝ થશે.
