હિન્દી, ગુજરાતી અને ભોજપુરી ફિલ્મોના જાણીતા અભિનેતા કિરણ કુમાર કોરોના વાયરસના શિકાર થઈ ગયા છે. કિરણ કુમારએ પોતે કોરોના પોઝિટિવ હોવાની વાત જણાવી છે. એક ઈન્ટરવ્યૂમાં કિરણ કુમારે કહ્યું- મુંબઈના એક હોસ્પિટલમાં મારું એક સામાન્ય મેડિકલ ઉપચાર થવાનું હતું, જેના માટે મારા ટેસ્ટ કરવામાં આવ્યા હતા. જેમાં મારો કોરોના રિપોર્ટ પણ પોઝિટિવ આવ્યો. 14મેના રોજ મને જાણ થઈ કે હું કોરોના પોઝિટિવ છું.
કિરણ કુમારે આગળ કહ્યું- મારામાં કોરોના વાયરસના કોઈ જ લક્ષણો નહોતા. શરદી, ખાંસી, તાવ અને કોઈપણ પ્રકારનો દુખાવો પણ થતો હતો. કોઈ જ લક્ષણો ન હોવાથી મને હોસ્પિટલમાં એડમિટ થવાની જરૂર ના પડી અને હાલ હું સેલ્ફ આઈસોલેશનમાં મારા બે માળના ઘરમાં આરામથી રહી રહ્યો છું.
કિરણ કુમારે આગળ કહ્યું- મારું ઘર ઘણું મોટું છે. ઉપરના માળ પર હું તમામ નિયમમોનું પાલન કરીને એકલો જ રહી રહ્યો છું. જ્યારે નીચે મારો પરિવાર રહે છે. એવામાં મારે કોઈપણ પ્રકારની ચિંતા કરવાની કોઈ જરૂર નથી. હું એકદમ ઠીક છું. પોતાના જમાનાના પ્રખ્યાત અભિનેતા જીવણ કુમારના દિકરા કિરણ કુમારે કહ્યું કે, કોરોના સંબંધિત તેમને આગામી કોવિડ-19 ટેસ્ટ 26 મેના રોજ થશે.
કિરણ કુમાર 70 અને 80ના દાયકામાં ઘણી હિન્દી ફિલ્મોમાં હીરો તરીકે કામ કરી ચૂક્યા છે, પરંતુ તેમને તેજાબ અને ખુદા ગવાહ જેવી ફિલ્મોમાં નેગેટિવ રોલ કરીને પ્રસિદ્ધિ મળી હતી. ત્યારબાદ હિન્દી ફિલ્મોમાં તેમની લોકપ્રિયતા ઓછી થતાં તેમણે ભોજપુરી અને ગુજરાતી ફિલ્મોમાં પણ કામ કર્યું. કિરણ કુમાર ઘણી હિન્દી સીરિયલોમાં પણ કામ કરી ચૂક્યા છે.
