બોલિવુડની ફિલ્મોને લઈને વિવાદ થાય તે કોઈ નવી વાત નથી. પરંતુ ક્રિતિ સેનન અને પંકજ ત્રિપાઠી સાથે જે થયું તે ભાગ્યે જ ક્યારેય થયું હશે. બંને હાલમાં પોતાની અપકમિંગ ફિલ્મનું શૂટિંગ કરી રહ્યા હતા, તે સમયે પોલીસ ત્યાં પહોંચી ગઈ હતી અને ધમકી આપીને સેટ પર રાખેલો સામાન સીઝ કરી દીધો હતો. પંકજ ત્રિપાઠી અને ક્રિતિ રાજસ્થાનના ચૂરૂમાં મિમીનું શૂટિંગ કરી રહ્યા હતા.
ચૂરૂ જિલ્લા મુખ્યાલયમાં અચાનક તે સમયે હડકંપ મચી ગયો જ્યારે ફિલ્મના શૂટિંગમાં રિયલ પોલીસ પહોંચી ગઈ.પોલીસે સેટ પર જઈને ચાલી રહેલું શૂટિંગ અટકાવી દીધું અને કાર્યવાહી કરતાં સામાન પણ જપ્ત કરી લીધો. રિપોર્ટ પ્રમાણે ફિલ્મનું શૂટિંગ મંજૂરી લીધા વગર થઈ રહ્યું હતું. શૂટિંગ માટે કોઈ અધિકારી પાસેથી પરવાનગી લીધી નહોતી.
જિલ્લા કલેક્ટર સંદેશ નાયકે મંજૂરી વગર શૂટિંગ થઈ રહ્યું હોવાના આદેશ પોલીસને આપ્યા હતા. તેવામાં પોલીસે જઈને શૂટિંગ રોકી દીધું.પંકજ ત્રિપાઠી અને ક્રિતિ સેનન સાથે બે ફિલ્મ કરી ચૂક્યા છે. આ પહેલા બંને લુકા છુપીમાં જોવા મળ્યા હતા. આ સિવાય બરેલી કી બર્ફીમાં પંકજ ત્રિપાઠીએ ક્રિતિના પિતાનો રોલ પ્લે કર્યો હતો.
