જ્હાનવી કપૂર બોલિવૂડની લીડિંગ એક્ટ્રેસમાની એક છે. ઈશાન ખટ્ટર સાથે વર્ષ 2018માં આવેલી ફિલ્મ ‘ધડક’થી ડેબ્યૂ કરનાર જ્હાન્વીએ ભલે અત્યાર સુધી ચાર ફિલ્મોમાં કામ કર્યું હોય, પરંતુ તેણે પોતાના પાત્રોથી સાબિત કર્યું કે તે સુપરસ્ટારડમ તરફ આગળ વધી રહી છે. અભિનયની સાથે સાથે જ્હાન્વીને ટ્રાવેલિંગ, સાહિત્ય અને ડાન્સનો પણ શોખ છે, પરંતુ શું તમે જાણો છો કે શ્રીદેવીની લાડકીને પોતાના પ્યુચર પાર્ટનરમાં કયા ગુણ જોઈએ છે? 25 વર્ષની ડીવા, જ્હાનવી કપૂર અત્યારે કોઈને ડેટ કરી રહી નથી, પરંતુ ચોક્કસપણે તેના ભાવિ જીવનસાથીની શોધમાં છે. એક ઈન્ટરવ્યુ દરમિયાન તેણે જાતે ખુલાસો કરતા તે 6 ગુણો વિશે જણાવ્યું હતું, જે તેને તેના પાર્ટનરમાં ચોક્કસથી જોઈએ છે.
અભિનેત્રીએ તેના ભાવિ જીવનસાથીના ગુણો વિશે વાત કરી. તેણે કહ્યું હતું કે તેના ભાવિ જીવનસાથી માટે કઈ વસ્તુઓ જરૂરી છે. જ્હાન્વીએ કહ્યું હતું કે મારો પાર્ટનર ટેલેન્ટેડ હોવો જોઈએ અને તેના કામ પ્રત્યે પેશનેટ પણ હોવો જોઈએ. આ સાથે તેણે કહ્યું કે એવું હોવું જોઈએ કે હું કંઈક શીખી શકું અને સાથે જ હું તેની સાથે ઉત્સાહીત રહી શકું.
જ્હાન્વીએ બાકીની ક્વોલિટી ગણાવતાં કહ્યું કે તેમાં સેન્સ ઓફ હ્યુમર હોવું જોઈએ, સાથે જ તે મારા પ્રત્યે ઓબ્સેસિવ પણ હોય. વર્કફ્રન્ટની વાત કરીએ તો જ્હાનવી કપૂરે તાજેતરમાં ‘ગુડલક જેરી’નું પોસ્ટર રિલીઝ કર્યું છે. આ ફિલ્મ ડિઝની પ્લસ હોટસ્ટાર પર 29 જુલાઈએ રિલીઝ થશે. આ ફિલ્મનું નિર્દેશન સિદ્ધાર્થ સેનગુપ્તાએ કર્યું છે અને આનંદ એલ રાય દ્વારા નિર્મિત છે. જ્હાન્વી કપૂરની આ ફિલ્મ તમિલ કોમેડી ક્રાઈમ ફિલ્મ ‘કોલામાવુ કોકિલા’ની હિન્દી રિમેક છે. આ સિવાય જ્હાન્વી કપૂર વરુણ ધવન સાથે ફિલ્મ ‘બવાલ’માં, રાજકુમાર રાવ સાથેની ફિલ્મ ‘મિસ્ટર એન્ડ મિસિસ માહી’ અને સની કૌશલ સાથે ફિલ્મ ‘મિલી’માં જોવા મળશે.
