ફિલ્મમેકર કરણ જોહરનો ચેટ શો ‘કોફી વિથ કરણ શરૂ થવા જઈ રહ્યો છે. જેનું નવું ટીઝર સામે આવ્યું છે. જેમાં અત્યાર સુધીની સીઝનના રમૂજી અને રસપ્રદ સીન બતાવવામાં આવ્યા છે. બોલિવુડના સેલેબ્સ કરણ જોહરના સવાલોના જવાબ આપતાં દેખાય છે. એવામાં નવી સીઝનને લઈને પણ ગતિવિધિ તેજ થઈ છે. આ સાથે જોડાયેલી એક ક્લિપ વાયરલ થઈ રહી છે. એક જૂનો વિડીયો સામે આવ્યો છે જેમાં કરણ જોહર અક્ષય ખન્નાને તેની હરકતો વિશે યાદ અપાવે છે.
2007માં કરણ જોહરે અક્ષયને ‘કોફી વિથ કરણ’માં આમંત્રિત કર્યો હતો. અને અક્ષય ખન્ના આવ્યો અને ઢગલાબંધ વાતો પણ થઈ. આ દરમિયાન ફિલ્મમેકરે ખુલાસો કર્યો કે, અક્ષયનું બાળપણમાં કરણ પ્રત્યેનું વર્તન ખરાબ હતું અને એટલે જ કરણને તેનાથી ડર લાગતો હતો. આ વિડીયોમાં કરણ કહે છે, “આ બધી વાતોનું શું અક્ષય, તું તો મનમોજી છે. આ અંગે પણ હું વાંચતો રહું છું. જોકે, આપણે જ્યારે મળ્યા ત્યારે મને આ વાતનો અહેસાસ નહોતો થયો. મને ક્યારેય તું મનમોજી નથી લાગ્યો. મને ખબર છે કારણકે તું બાળપણમાં મારી સાથે ખરાબ વર્તન કરતો હતો. તને યાદ નહીં હોય પણ આપણે સાથે મોટા થયા છીએ. આપણે પાડોશી હતા. આપણે બંને સાઉથ બોમ્બેના છોકરાઓ છીએ.”
