દક્ષિણ ભારતીય ફિલ્મોની જાણીતી અભિનેત્રી સામંથા રૂથ પ્રભુ આ દિવસોમાં વિદેશમાં છે. ભારતમાં જ્યાં શિયાળાની ઋતુમાં લોકો થરથરી રહ્યા છે, ત્યારે વિદેશમાં અભિનેત્રી બરફની વચ્ચે એન્જોય કરી રહી છે. હાલમાં જ સમંથા રૂથ પ્રભુ સ્વિત્ઝરલેન્ડ પહોંચી હતી.
સમંથા સ્વિટ્ઝરલેન્ડના વર્બિયરમાં છે અને તે અહીં ક્વોલિટી ટાઈમ વિતાવી રહી છે. વર્બિયરમાં રજાઓ માણી રહેલી સામંથાએ તેના સોશિયલ મીડિયા એકાઉન્ટ પરથી તેની એક ઝલક પણ શેર કરી છે. હાલમાં જ તેમનો એક વીડિયો સામે આવ્યો છે, જેમાં એક્ટ્રેસ સ્કીઇંગ વીડિયો કરતી જોવા મળી રહી છે.
સોશિયલ મીડિયા પર ખૂબ જ એક્ટિવ જોવા મળતી એક્ટ્રેસ સામંથાએ તાજેતરમાં તેના ઈન્સ્ટાગ્રામ એકાઉન્ટ પરથી એક ફની વીડિયો શેર કર્યો છે. વીડિયો શેર કરતી વખતે તેણીએ તેના સ્કીઇંગ ટ્રેનરને પણ ટેગ કર્યો છે. આ સાથે એક કેપ્શન પણ આપવામાં આવ્યું છે. તેણે લખ્યું કે, ‘100 માંથી એક ફોલ્સ. હું: કેટ (ટ્રેનર) મને બચાવો’.
ફોટાઓમાં તમે જોઈ શકો છો કે, સામંથા બરફ પર એન્જોય કરી રહી છે. તે બ્લેક જેકેટ, સફેદ પેન્ટ અને મેચિંગ હેલ્મેટમાં જોવા મળી રહી છે. શરૂઆતમાં તે બરફ પર દોડતી જોવા મળે છે, પણ વિડિયોના અંતમાં સામંથા પડી જાય છે. તેનો આ વીડિયો સોશિયલ મીડિયા પર ઘણો જોવા મળી રહ્યો છે.
એક અઠવાડિયા પહેલા સામંથાએ પણ પોતાનો એક ફોટો શેર કર્યો હતો. તે ફોટો પણ સ્કીઇંગના સમયનો હતો. સામંથાના વીડિયો પર ફેન્સ પણ ઘણી કોમેન્ટ કરી રહ્યા છે. તેમના વીડિયોને અત્યાર સુધીમાં 8 લાખ 75 હજારથી વધુ લાઈક્સ મળી ચૂકી છે.
એક યુઝરે કોમેન્ટ કરી અને લખ્યું, “તમારા માટે ખૂબ જ ખુશ”. અન્ય યુઝરે કમેન્ટ કરી, “અમેઝિંગ”. સાથે જ ઘણા યુઝર્સે કોમેન્ટમાં હાર્ટ ઈમોજી કમેન્ટ કરી છે તો કેટલાકે ફાયર અને લાફિંગ ઈમોજી કમેન્ટ કરી છે.
નોંધપાત્ર વાત એ છે કે, સમંથા ભૂતકાળમાં તેના છૂટાછેડાને કારણે સોશિયલ મીડિયા પર હેડલાઇન્સમાં રહી હતી. વર્ષ 2017માં સામંથાએ એક્ટર નાગા ચૈતન્ય સાથે લગ્ન કર્યા અને વર્ષ 2021માં બંનેએ છૂટાછેડા લીધા.
વર્ક ફ્રન્ટની વાત કરીએ તો, સમંથા તાજેતરમાં બ્લોકબસ્ટર ફિલ્મ ‘પુષ્પા’ના ગીત ‘ઓઓ અંતવા’માં જોવા મળી હતી. આ ગીત સુપરહિટ થઈ ગયું છે અને તેમાં સામંથાના ડાન્સ સ્ટેપ્સની ઘણી ચર્ચા થઈ રહી છે. માત્ર ત્રણ મિનિટના આ ગીત માટે સામંથાને 5 કરોડ રૂપિયાની ભારે ફી મળી છે.
