દક્ષિણ ભારતીય ફિલ્મની લોકપ્રિય અભિનેત્રી સામંથા રૂથ પ્રભુ છૂટાછેડા પછી સોશિયલ મીડિયા પર ચર્ચામાં છે. છૂટાછેડા પછી તેમની ચર્ચાઓએ જોર પકડ્યું છે. તેણીએ જણાવ્યું હતું કે, નાગા ચૈતન્યથી છૂટાછેડા લીધા પછી, તેણીને લાગ્યું કે, તે જીવી શકશે નહીં અને મરી જશે. જોકે આ ખરાબ સમયમાં અભિનેત્રી મજબૂત રહી.
સામંથા રૂથ પ્રભુ તેના ભૂતકાળને ભૂલી ગઈ છે અને હવે તે આગળ વધી ગઈ છે. અભિનેત્રી પોતાની ફિટનેસ પર પણ સંપૂર્ણ ધ્યાન આપી રહી છે. થોડા દિવસો પહેલા અભિનેત્રીએ ચાહકોને ફિટનેસની પ્રેરણા આપી હતી. જ્યારે હવે તેણીએ કંઈક એવું કર્યું છે, જે દરેકના નિયંત્રણમાં નથી.
ફિટનેસ પ્રત્યે ખૂબ જ જાગૃત સમન્થાએ 80 કિલો વજન ઉપાડીને તેના તમામ ચાહકોને ચોંકાવી દીધા છે. તાજેતરમાં, અભિનેત્રીએ તેની ઇન્સ્ટાગ્રામ સ્ટોરીમાં હેવી વેઇટ લિફ્ટિંગ કરતા કેટલાક વીડિયો શેર કર્યા છે, જેને સોશિયલ મીડિયા પર ખૂબ પસંદ કરવામાં આવી રહ્યા છે.
ફિટનેસ ફ્રીક સમન્થાએ 20, 30 કે 40 કિગ્રા નહીં, પણ 80 કિગ્રા સુધીનું વજન ઊંચક્યું છે. વીડિયોમાં તે પુરી તાકાતથી વજન ઉપાડતી જોવા મળી હતી. આ પહેલા અભિનેત્રી 75 અને 78 કિલો વજન ઉતારી ચુકી છે. વીડિયો શેર કરતાં તેણીએ લખ્યું છે કે, “તમારું 2022 ની શરૂઆત આ લેવલ અપ ચેલેન્જ સાથે કરો અને બર્ન અનુભવો. જ્યારે મારો ટ્રેનર મને પડકાર આપે છે, ત્યારે હું સામેથી તમને પડકાર આપું છું, ચાલો કરીએ.”
34 વર્ષીય સામંથાએ વર્ષ 2017માં 35 વર્ષીય દક્ષિણ ભારતીય ફિલ્મ અભિનેતા નાગા ચૈતન્ય સાથે લગ્ન કર્યા હતા. નાગા સુપરસ્ટાર નાગાર્જુનનો પુત્ર છે. વર્ષ 2017માં સામંથા અને નાગાએ લગ્ન કર્યા પછી તેમના પ્રેમને નવું નામ આપ્યું હતું. ફિલ્મી દુનિયાની આ જોડીએ ગોવામાં હિંદુ અને ક્રિશ્ચિયન રીતિ-રિવાજ મુજબ ધામધૂમથી લગ્ન કર્યા હતા.
સામંથા અને નાગાના લગ્ન લાંબા સમય સુધી ટકી શક્યા નહીં. લગ્નના ચાર વર્ષ પછી બંને અલગ થઈ ગયા. થોડા મહિના પહેલા બંનેએ સંયુક્ત નિવેદન જારી કરીને છૂટાછેડાની જાહેરાત કરી હતી. છૂટાછેડા પછી, હવે અભિનેત્રી સોશિયલ મીડિયા પર હેડલાઇન્સમાં રહે છે.
વર્ક ફ્રન્ટ પર, સમંથા તાજેતરમાં બોલિવૂડ સુપરસ્ટાર અક્ષય કુમાર સાથે કુરકુરે જાહેરાતમાં જોવા મળી હતી.
ફિલ્મ ફ્રન્ટની વાત કરીએ તો તાજેતરમાં જ અભિનેત્રી ‘પુષ્પા’ના ‘ઓ અંતવા’ ગીતમાં જોવા મળી હતી, જ્યારે હવે તે વરુણ ધવન સાથેની સીરિઝમાં પણ જોવા મળશે.
