રાખી ગુલઝાર બોલીવુડ ફિલ્મની 70 અને 80ના દાયકાની ખૂબ જ સુંદર અભિનેત્રી હતી. રાખીએ પોતાના અભિનયની ચમક એવી રીતે ફેલાવી કે આજ સુધી દુનિયા તેને ભૂલી નથી. પહેલા તેમણે મોટા પડદા પર લીડ એક્ટ્રેસ તરીકે કામ કર્યું, ત્યાર પછી તેણી માતાના રોલમાં જોવા મળી.
રાખી ગુલઝાર લાંબા સમયથી મોટા પડદાથી દૂર છે. એક સમયે સિલ્વર સ્ક્રીન પર રાજ કરતી રાખી હવે ગુમનામ જીવન જીવી રહી છે. હવે તેણી પહેલા કરતા સંપૂર્ણપણે બદલાઈ ગઈ છે. તેમની સુંદરતા કોણ નથી જાણતું અને રાખીએ તેમના લાંબા જાડા વાળ પણ ગુમાવી દીધા છે. આવો આજે અમે તમને રાખીના અંગત જીવન વિશે જણાવીએ.
રાખીનો જન્મ 15 ઓગસ્ટ 1947ના રોજ રાણાઘાટ લોકસભા ક્ષેત્રમાં થયો હતો. 74 વર્ષની રાખીએ માત્ર 16 વર્ષની ઉંમરે જ લગ્ન કરી લીધા હતા. રાખીએ કુલ બે લગ્ન કર્યા છે, પણ બંનેના લગ્ન નિષ્ફળ રહ્યા છે. તેના પ્રથમ લગ્ન ફિલ્મ નિર્દેશક અજોય બિસ્વાસ સાથે થયા હતા.
અજોય અને રાખીના લગ્ન વર્ષ 1963માં થયા હતા. આ લગ્ન માત્ર બે વર્ષ જ ચાલ્યા. રાખી અને અજોય વર્ષ 1965માં અલગ થઈ ગયા હતા. આ પછી રાખીના જીવનમાં પ્રખ્યાત લેખક ગુલઝારે પ્રવેશ કર્યો. રાખીએ વર્ષ 1973માં ગુલઝાર સાથે બીજા લગ્ન કર્યા અને તે રાખી ગુલઝાર બની.
રાખીના બીજા લગ્ન પણ લાંબો સમય ટકી શક્યા નહીં. રાખી અને ગુલાર મેઘના ગુલઝાર નામની પુત્રીના માતાપિતા બન્યા. રાખી અને ગુલઝારની દીકરી મેઘનાએ પણ ફિલ્મી દુનિયામાં કરિયર બનાવ્યું હતું. દિગ્દર્શક હોવા ઉપરાંત તે લેખક પણ છે. દીકરીના જન્મ પછી રાખી અને ગુલઝાર વચ્ચેના સંબંધોમાં ખટાશ આવવા લાગી હતી. બંનેએ ક્યારેય છૂટાછેડા લીધા નહોતા જોકે ટૂંક સમયમાં જ બંને અલગ થઈ ગયા હતા.
રાખી અને ગુલઝારના અલગ થવાનું કારણ બંને વચ્ચે પરસ્પર સમજૂતીનો અભાવ હોવાનું કહેવાય છે. લગ્ન પછી પણ રાખી ફિલ્મોમાં કામ કરવા માંગતી હતી અને ગુલઝાર તેની વિરુદ્ધ હતા. જેથી બંને અલગ થઈ ગયા. જોકે, બંનેમાંથી કોઈએ છૂટાછેડા લીધા નથી.
રાખીએ પોતાના કરિયરની શરૂઆત બંગાળી ફિલ્મ ‘બધુ બરન’થી કરી હતી. બોલીવુડ ફિલ્મ તેમણે અમિતાભ બચ્ચન, રાજેશ ખન્ના, શશિ કપૂર, અમરીશ પુરી, સલમાન ખાન, શાહરૂખ ખાન જેવા ઘણા દિગ્ગજ કલાકારો સાથે કામ કર્યું.
રાખીએ પોતાના કરિયરમાં કભી કભી, શર્મિલી, લાલ પથ્થર, હીરા પન્ના, દૂસરા આદમી, કરણ અર્જુન જેવી ઘણી શાનદાર ફિલ્મોમાં કામ કર્યું.
તેના ચાહકો ઘણીવાર રાખી વિશે જાણવા ઉત્સુક હોય છે. રાખી હવે ફિલ્મોમાં જોવા મળતી નથી અને ન તો તે કોઈ એવોર્ડ શો વગેરેમાં જોવા મળે છે. રાખી મુંબઈમાં રહે છે, જોકે ફિલ્મી દુનિયાની ચમક-દમકથી સાવ દૂર છે.
રાખીનું મુંબઈ નજીક પનવેલમાં ફાર્મહાઉસ છે. તે તેના ફાર્મ હાઉસમાં એકલી રહે છે.
