બોલીવુડ ફિલ્મ ઉદ્યોગના પ્રખ્યાત તારલા સલમાન ખાન આખી દુનિયામાં લોકપ્રિય જોવા મળે છે. વર્ષ 1989માં ફિલ્મ ‘મૈંને પ્યાર કિયા’થી બોલીવુડ ફિલ્મની લીડ અભિનેતા તરીકે ડેબ્યૂ કરનાર સલમાન ખાને દેશ અને દુનિયામાં પોતાની ઓળખ બનાવી શ્રેષ્ઠ નામના મેળવી છે. સલમાન ખાનના ચાહકો દુનિયાભરમાં ફેલાયેલા છે.
તાજેતરમાં જ સલમાન ખાન દા-બેંગઃ ધ ટૂર રીલોડેડ માટે રિયાધ ગયા હતા. રિયાધમાં, અભિનેતાએ તેમની શાનદાર ફિલ્મો મૈને પ્યાર કિયા, હમ આપકે હૈ કૌન, મુઝસે શાદી કરોગે અને કિકના ગીતો પર ખૂબ જ આકર્ષક પ્રદર્શન આપ્યું હતું. અભિનેતાને જોવા માટે ચાહકોની પણ ખૂબ મોટી ભીડ ઉમટી પડી હતી.
પ્રભુદેવા, શિલ્પા શેટ્ટી, આયુષ શર્મા અને સાઈ માંજરેકર પણ સલમાન ખાન સાથે રિયાધ ટૂર પર ગયા હતા. તે જ સમયે, ટીવી યજમાન અને અભિનેતા મનીષ પોલ અને પ્રખ્યાત કોમેડિયન અને અભિનેતા સુનીલ ગ્રોવર પણ આ અવસરનો ભાગ બન્યા હતા. હાલમાં જ મનીષે તેમની યુટ્યુબ ચેનલ પર આ પ્રવાસનો એક ખૂબ સરસ વીડિયો પ્રસારિત કર્યો છે.
મનીષ પોલે પ્રસારિત કરેલા વીડિયોમાં તમે આ પ્રસંગમાં બેક સ્ટેજથી લઈને મોજ મસ્તી સુધીની તમામ ઝલક જોઈ શકો છો. જો કે, તે ક્ષણ ખૂબ જ ખાસ અને અદભૂત હતી જ્યારે અમિતાભ બચ્ચન સલમાન સાથે સ્ટેજ પર દેખાય છે અને તેમણે સલમાનને લગ્ન કરવાનું કહ્યું હતું. રાહ જુઓ, અમે અસલી નહીં પણ નકલી અમિતાભ બચ્ચનની વાત કરી રહ્યા છીએ.
જ્યારે નકલી અમિતાભ સલમાનના લગ્ન વિશે કંઇક બોલે છે, ત્યારે સલમાન ખૂબ જ શરમાતા જોવા મળે છે. આ કાર્યક્રમના મુખ્ય યજમાન મનીષ પોલ હતા. મનીષ પૉલે પ્રસારિત કરેલા વીડિયોમાં મનીષ અમિતાભ બચ્ચનને સ્ટેજ પર આમંત્રિત કરે છે અને સુનીલ ગ્રોવર અમિતાભના વેશમાં સ્ટેજ પર આવે છે.
સલમાન, મનીષ અને સુનીલ ત્રણેય સ્ટેજ પર બેઠા હતા. સુનીલ ગ્રોવરે કૌન બનેગા કરોડપતિની સ્ટાઇલમાં સલમાનને પ્રશ્ન કર્યો. સુનીલ અભિનેતાને કહે છે કે, લગ્નના નામે તમારી સાથે શું થાય છે? લગ્ન કરી લો. સલમાન કંઈપણ જવાબ આપતા નથી, જો કે તે હસતા રહે છે અને મનીષ પણ હસવા લાગે છે.
મનીષ પોલ દ્વારા પ્રસારિત કરવામાં આવેલા આ વીડિયોને 50 હજારથી વધુ પસંગી મળી ચુકી છે અને ફેન્સ તેમના પર ટિપ્પણી પણ કરી રહ્યા છે. અભિનેતાએ આ વીડિયો 13 જાન્યુઆરીએ યુટ્યુબ પર પ્રસારિત કર્યો હતો.