તબ્બુ અને અજય દેવગણની જોડી એક વખત ફરીથી સ્કિન પર તહેલકો મચાવવા માટે તૈયાર છે. બન્ને સ્ટાર્સ ‘દ્રશ્યમ 2’ અને ‘ભોલા’માં પણ સ્ક્રીન સ્પેસ શેર કરશે. જે એક એક્શન-ડ્રામા છે અને તમિલ ફિલ્મ ‘કેથી’ની રીમેક છે. તબ્બુ અને અજય દેવગણને હંમેશા 90ના દાયકાની ઓન-સ્ક્રીન જોડીમાંથી એક માનવામાં આવે છે. બંનેએ ઘણી બ્લોકબસ્ટર ફિલ્મોમાં સાથે કામ કર્યું છે. બંને ખૂબ સારા મિત્રો પણ છે. અજય દેવગણ સાથે, તબ્બુએ વિજયપથ (1994), હકીકત (1995), ઠક્ષક (1999), દ્રશ્યમ (2015), ગોલમાલ અગેન (2017) અને દે દે પ્યાર દે (2019) જેવી ફિલ્મોમાં કામ કર્યું છે.
તબ્બુએ હાલમાં જ અજય દેવગન વિશે જે ખુલાસો કર્યો છે તે ચોંકાવનારો છે. એક ઈન્ટરવ્યુમાં તેણે ખુલાસો કર્યો હતો કે એક્ટર તેની જાસૂસી કરતા હતા. આટલું જ નહીં તે એવા છોકરાઓને પણ ધમકાવતો હતો જેઓ તેની આસપાસ ફરતા હોય કે તેની સાથે વાત કરતા હતા. અભિનેત્રીએ જણાવ્યું કે અજય તેના ભાઈ સમીરનો પાડોશી હતો. જ્યારે તબ્બુ ઘણી નાની હતી. સમીર અને અજય સાથે મળીને તેની જાસૂસી કરતા હતા અને જે છોકરો તેની સાથે ફરતો હતો કે તેની સાથે વાત કરતો હતો તે બંને તેને ધમકાવતા હતા.
તબ્બુએ વધુમાં કહ્યું કે જો હું આજે સિંગલ છું તો તેની પાછળનું કારણ માત્ર અને માત્ર અજય દેવગન છે. કારણ કે અજય તેના ભાઈની સાથે તેના પર નજર રાખતો હતો. આ જ કારણ છે કે તેના જીવનમાં કોઈ છોકરો નથી. તેમજ તમણે કહ્યું હતું કે, હું અજયના કારણે સિંગલ છું અને મને આશા છે કે તેને તેના કર્યા પર પસ્તાવો જરૂર થશે. લગ્નને લઈને મજાક કરતા તબ્બુએ કહ્યું કે જો કોઈ હોય જેના પર હું વિશ્વાસ કરી શકું તો તે અજય છે. તેણે વધુમાં કહ્યું કે તે એક બાળક જેવો છે અને છતાં તે પ્રોટેક્ટિવ છે. જ્યારે તે આસપાસ હોય છે ત્યારે સેટ પરનું વાતાવરણ સરસ અને તણાવમુક્ત હોય છે. અમારા બંનેનો સંબંધ ખૂબ જ ખાસ છે.
