Dubai rural plan:આ યોજના હેઠળ ગ્રામીણ વિસ્તારોમાં પણ એવી સુવિધાઓ આપવામાં આવશે કે આખી દુનિયા તેમની તરફ આકર્ષિત થાય.
Dubai rural plan:દુબઈ તેની અનોખી અને આધુનિક વસ્તુઓ માટે જાણીતું છે. દુબઈના ક્રાઉન પ્રિન્સ અને સંયુક્ત આરબ અમીરાતના નાયબ વડા પ્રધાન અને સંરક્ષણ પ્રધાન શેખ હમદાને વધુ એક માસ્ટર પ્લાન લોન્ચ કર્યો છે. નવી યોજના હેઠળ દુબઈના ગ્રામીણ વિસ્તારોમાં નવી સુવિધાઓ, પ્રવાસન, પ્રવૃત્તિઓ અને ઘણી સેવાઓ શરૂ કરવામાં આવશે અને આ વિસ્તારોને સમગ્ર વિશ્વમાં નવી ઓળખ આપવામાં આવશે.
As part of the Dubai 2040 Urban Master Plan, we have approved the master plan for Saih Al Salam Scenic Route, featuring new facilities, activities, events, and services. Our goal is to increase the number of visitors by 600% to reach over 3 million by 2040. We have also approved… pic.twitter.com/RnW2ZUXeLS
— Hamdan bin Mohammed (@HamdanMohammed) October 20, 2024
X પરની એક પોસ્ટમાં, શેખ હમદાને જણાવ્યું હતું કે પ્રોજેક્ટનો ઉદ્દેશ્ય રહેવાસીઓ અને પ્રવાસીઓની જરૂરિયાતો પૂરી કરવાનો અને તેમને ઉચ્ચ ગુણવત્તાની સેવાઓ પૂરી પાડવાનો છે.
97 કિલોમીટર લાંબો સાયકલિંગ ટ્રેક
સાઈહ અલ સલામ સિનિક રૂટના માસ્ટર પ્લાનમાં પાંચ પ્રવાસી સ્ટેશન અને લગભગ 97 કિલોમીટર લાંબો સાયકલિંગ ટ્રેક બનાવવાનો સમાવેશ થાય છે. આ ટ્રેકના નિર્માણ બાદ સમગ્ર વિસ્તારમાં ટ્રેકની કુલ લંબાઈ 156.61 કિલોમીટર થઈ જશે.
આ યોજનામાં પ્રવાસીઓને વિશેષ અનુભવ આપવાની સાથે આ વિસ્તારમાં આવી પ્રવૃત્તિઓ અને કાર્યક્રમોને પ્રોત્સાહન આપવાનો હેતુ છે જેથી તેમની સંખ્યા વધારી શકાય. યોજનાની શરૂઆત કરતા શેખ હમદાને કહ્યું કે આ અમીરાતમાં પ્રવાસનને 600 ટકા વધારવાના અમારા લક્ષ્યનો એક ભાગ છે.
2028 સુધીમાં 37 પ્રોજેક્ટ પર કામ કરવામાં આવશે.
શેખ હમદાને જાણ કરી હતી આ માસ્ટર પ્લાનના પ્રથમ તબક્કાની કિંમત 390 મિલિયન દિરહામ ($10.62 મિલિયન) હોવાનું કહેવાય છે.આ માર્ગની મુલાકાત લેવા માટે ઘણા પ્રોજેક્ટ બનાવવામાં આવી રહ્યા છે, જેમાં તળાવો, લક્ઝરી રિસોર્ટ્સ, ઘણા પ્રકારની રમતગમત વગેરેનો સમાવેશ થાય છે.
આ માર્ગ દુબઈને વધુ ખાસ બનાવશે.
યોજના વિશે માહિતી આપતા શેખ હમદાને એમ પણ કહ્યું હતું કે સાઈહ અલ સલામ સિનિક રૂટ હિઝ હાઈનેસ શેખ મોહમ્મદ બિન રશીદની દ્રષ્ટિ અને સૂચનાઓને પ્રતિબિંબિત કરે છે. જેનો ઉદ્દેશ્ય દુબઈને વિશ્વનું શ્રેષ્ઠ, સૌથી સુંદર અને તમામ સુવિધાઓથી ભરેલું શહેર બનાવવાનો છે. આ પ્રોજેક્ટ અમીરાતને કામ કરવા, મુલાકાત લેવા અને રહેવા માટે એક સુખદ શહેર બનાવવામાં મદદ કરશે.