Mohammed Shami: મોહમ્મદ શમીએ પોતાની ફિટનેસને લઈને આપ્યું મોટું અપડેટ
Mohammed Shami: ટીમ ઈન્ડિયાના સ્ટાર ફાસ્ટ બોલર મોહમ્મદ શમી લગભગ એક વર્ષથી ક્રિકેટના મેદાનથી દૂર છે. તેણે તેની છેલ્લી મેચ 2023 ODI વર્લ્ડ કપની ફાઇનલમાં રમી હતી. ચાહકો તેના વાપસીની આતુરતાથી રાહ જોઈ રહ્યા છે.
Mohammed Shami: ભારતે ન્યૂઝીલેન્ડ સામેની સિરીઝ બાદ ઓસ્ટ્રેલિયાના પ્રવાસે જવું પડશે. ટીમ ઈન્ડિયાના ચાહકો આ પ્રવાસમાં મોહમ્મદ શમીની વાપસી જોવા ઈચ્છે છે. શમી છેલ્લા વનડે વર્લ્ડ કપની ફાઈનલ બાદથી ક્રિકેટના મેદાનથી દૂર છે. તેને ઘૂંટણમાં ઈજા થઈ હતી. આ ઈજાના કારણે તે T20 વર્લ્ડ કપ અને ઈંગ્લેન્ડ, બાંગ્લાદેશ અને ન્યુઝીલેન્ડ સામેની સીરીઝનો ભાગ બની શક્યો નહોતો. આ દરમિયાન તેણે પોતાની ફિટનેસને લઈને એક મોટું અપડેટ આપ્યું છે.
Mohmmad shami not looking in real touch 🤐
Not a good sign for Indian cricket
pic.twitter.com/ey9UqHQiDv— Ajay ♑ (@coruptajxy) October 21, 2024
શમીએ તેની વાપસીને લઈને એક મોટું અપડેટ આપ્યું છે
તાજેતરમાં જ મોહમ્મદ શમીએ એક ઈવેન્ટમાં ભાગ લીધો હતો. જ્યાં તેણે ANIને જણાવ્યું કે તેનો ઘૂંટણ હવે ઠીક છે અને તેની ફિટનેસ પણ પહેલા કરતા સારી છે. આશા છે કે તે જલ્દી ફિટ થઈ જશે અને ક્રિકેટના મેદાનમાં પરત ફરશે.
વીડિયો વાયરલ થયો હતો
ટીમ ઈન્ડિયાને ન્યૂઝીલેન્ડ સામેની પ્રથમ ટેસ્ટ મેચમાં હારનો સામનો કરવો પડ્યો હતો. આ મેચ સમાપ્ત થયા બાદ મોહમ્મદ શમીએ પણ ટીમ ઈન્ડિયાના સહાયક કોચ અભિષેક નાયર અને બોલિંગ કોચ મોર્ને મોર્કેલની દેખરેખ હેઠળ બોલિંગ કરી હતી. અગાઉ એવી અપેક્ષા હતી કે તેને રણજી ટ્રોફી દરમિયાન તક મળી શકે છે, પરંતુ બંગાળની ટીમે તેનો સમાવેશ કર્યો ન હતો. તેને દુલીપ ટ્રોફી અને ઈરાની ટ્રોફીમાં પણ તક મળી ન હતી.
Mohmmad Shami Getting Ready For Border Gavaskar Trophy 🏆 ❤️😍🇮🇳 #shami #Bgtpic.twitter.com/MZRDKGHVX4
— Cricket Thrill (@Crickethrill) October 20, 2024
રોહિત શર્માએ શમીને લઈને મોટું નિવેદન આપ્યું છે
ન્યુઝીલેન્ડ સામે બેંગલુરુ ટેસ્ટ મેચ પહેલા મીડિયા સાથે વાત કરતા રોહિત શર્માએ કહ્યું હતું કે, “ઓસ્ટ્રેલિયા પ્રવાસ માટે શમીની પસંદગી કરવી મુશ્કેલ છે. તેના ઘૂંટણમાં સોજો છે. આ કારણે તેની રિકવરીમાં વિલંબ થઈ રહ્યો છે. તે હાલમાં એનસીએમાં ડોક્ટરો અને ફિઝિયો સાથે છે. અમે નબળા શમીને ઓસ્ટ્રેલિયા લાવવા માંગતા નથી. અમને આશા છે કે તે જલ્દી સ્વસ્થ થઈ જશે.”