Kangana Ranaut: અભિનેત્રીની ફિલ્મ ‘ઇમરજન્સી’ને સેન્સર બોર્ડ તરફથી મળી લીલી ઝંડી, જાણો ક્યારે રિલીઝ થશે ફિલ્મ?
Kangana Ranaut સોશિયલ મીડિયા પર પોસ્ટ કરીને ખુશી વ્યક્ત કરી છે. તેણે જણાવ્યું કે તેની ફિલ્મ ‘ઇમરજન્સી’ને સેન્સર બોર્ડ તરફથી પ્રમાણપત્ર મળી ગયું છે.
Kangana Ranaut ની ફિલ્મ Emergency ના વિવાદને કારણે ફિલ્મની રિલીઝ મોકૂફ રાખવામાં આવી હતી. આ ફિલ્મ 6 સપ્ટેમ્બરના રોજ રિલીઝ થવાની હતી પરંતુ શીખ સમુદાયના વાંધાને કારણે તેને મોકૂફ રાખવામાં આવી હતી. મામલો કોર્ટમાં હતો. જોકે, હવે કંગના અને તેના ચાહકો માટે ખુશીના સમાચાર એ છે કે સેન્સર બોર્ડે ફિલ્મને લીલી ઝંડી આપી દીધી છે. ફિલ્મની રિલીઝ ડેટ હવે ટૂંક સમયમાં નક્કી કરવામાં આવશે.
Kangana એ પોસ્ટ કરીને પોતાની ખુશી વ્યક્ત કરી હતી
Kangana Ranaut X પર પોસ્ટ કર્યું છે કે ફિલ્મને સેન્સર બોર્ડ તરફથી પ્રમાણપત્ર મળી ગયું છે. ખુશી વ્યક્ત કરતા તેણે લખ્યું, “અમને એ જણાવતા ખૂબ જ આનંદ થાય છે કે અમને સેન્સર બોર્ડ તરફથી અમારી ફિલ્મ ‘ઇમર્જન્સી’ માટે સર્ટિફિકેટ મળ્યું છે. અમે ટૂંક સમયમાં જ ફિલ્મની રિલીઝ ડેટની જાહેરાત કરીશું. તમારી ધીરજ અને સમર્થન બદલ આભાર.
We are glad to announce we have received the censor certificate for our movie Emergency, we will be announcing the release date soon. Thank you for your patience and support 🇮🇳
— Kangana Ranaut (@KanganaTeam) October 17, 2024
શું હતો સમગ્ર મામલો?
ફિલ્મનું ટ્રેલર રિલીઝ થયા બાદ કહેવામાં આવ્યું હતું કે આ ફિલ્મ 6 સપ્ટેમ્બરે રિલીઝ થશે. પરંતુ શીખ સમુદાયે આ ફિલ્મ સામે વાંધો ઉઠાવ્યો હતો, જેના પછી ફિલ્મની રિલીઝ મોકૂફ રાખવામાં આવી હતી. કંગનાની ફિલ્મને લઈને એક વકીલે ચંદીગઢ ડિસ્ટ્રિક્ટ કોર્ટમાંથી લીગલ નોટિસ મોકલી હતી.