Tiger 3 સલમાન ખાન અને કેટરિના કૈફ અભિનીત ‘ટાઈગર 3’ માં, સલમાન ખાન ભારતના RAW એજન્ટ ટાઈગરની ભૂમિકામાં જોવા મળશે અને કેટરિના કૈફ ઝોયાની ભૂમિકાને ફરીથી નિભાવતી જોવા મળશે. ફિલ્મ ‘ટાઈગર 3’ દિવાળી પર સિનેમાઘરોમાં રિલીઝ થવાની તૈયારીમાં છે. ‘ટાઈગર 3’ બોલિવૂડની મોસ્ટ અવેટેડ ફિલ્મોમાંથી એક છે. આ ફિલ્મમાં ફરી એકવાર તમને સલમાન અને કેટરીનાની દમદાર એક્શન જોવા મળશે. આ દરમિયાન, ‘ટાઈગર 3’માંથી કેટરિના કૈફનો એક્શન સીન લીક થઈ ગયો છે, જેનો ફોટો સોશિયલ મીડિયા પર ફેન્સ પેજ પર જોઈ શકાય છે.
કેટરિના કૈફનો એક્શન સીન લીક થયો
સોશિયલ મીડિયા પર વાયરલ થઈ રહેલા કેટરિના કૈફના એક્શનના ફોટોમાં એક મહિલા બાઇક પરથી કૂદતી જોઈ શકાય છે, જે ફિલ્મનો એક્શન સીન હોઈ શકે છે. આ તસવીરમાં અભિનેત્રીનો ચહેરો દેખાતો નથી. આ મહિલાએ બ્લેક આઉટફિટ પહેરીને આ સ્ટંટ કર્યો છે. ઉપરાંત, તેણે કાળું હેલ્મેટ પહેર્યું હોવાથી તેનો ચહેરો દેખાતો નથી. આ વાયરલ ફોટાએ ચાહકોની ઉત્તેજના વધારી દીધી છે. આ વાયરલ ફોટો જોઈને કેટલાક લોકો એવું પણ કહી રહ્યા છે કે આ કેટરીના નહીં પરંતુ તેનો સ્ટંટ બોડી ડબલ છે.
Zoya #KatrinaKaif #Katrina #Tiger3 pic.twitter.com/bd4aTt93m8
— Katrina Kaif (@katrinafansss) October 6, 2023
ટાઇગર 3નું ટ્રેલર આ દિવસે રિલીઝ થશે
તમને જણાવી દઈએ કે ફિલ્મનું ટ્રેલર 16 ઓક્ટોબરે રિલીઝ થવા જઈ રહ્યું છે. ‘ટાઈગર 3’નું નિર્દેશન મનીષ શર્માએ કર્યું છે. યશ રાજ ફિલ્મ્સે તેના સત્તાવાર સોશિયલ મીડિયા એકાઉન્ટ Instagram પર સલમાન ખાન અને કેટરિના કૈફનો ફર્સ્ટ લૂક શેર કરીને આ ફિલ્મની જાહેરાત કરી હતી. સલમાન અને કેટરિનાના જે ફર્સ્ટ લુક રિલીઝ થયા હતા તેમાં બંને એક્શન મોડમાં જોવા મળ્યા હતા.
ટાઈગર 3માં શાહરૂખ ખાનનો ધમાકો થશે
ફિલ્મ ‘ટાઈગર’નો આ ત્રીજો ભાગ છે, અગાઉના બંને ભાગ બોક્સ ઓફિસ પર સફળ રહ્યા હતા. ફિલ્મની વાર્તા આદિત્ય ચોપરાએ લખી છે. મનીષા શર્માએ દિગ્દર્શન કર્યું છે. ફિલ્મમાં શાહરૂખ ખાનનો કેમિયો પણ જોવા મળશે. આ ફિલ્મમાં સલમાન ખાન અને કેટરિના કૈફ સાથે ઈમરાન હાશ્મી પણ મુખ્ય ભૂમિકામાં જોવા મળશે.