ઉદય કોટક છેલ્લા લગભગ 15 વર્ષથી આ જવાબદારી નિભાવી રહ્યા હતા. તેમનો વર્તમાન કાર્યકાળ 31 ડિસેમ્બર 2023 સુધીનો હતો, પરંતુ તેમણે કાર્યકાળ પૂરો થતાં પહેલા તેમના પદ પરથી રાજીનામું આપી દીધું હતું.
ખાનગી ક્ષેત્રની બેંક કોટક મહિન્દ્રા બેંકમાં મોટો ફેરફાર કરવામાં આવ્યો છે. બેંકના MD અને CEO ઉદય કોટકે તેમના પદ પરથી રાજીનામું આપી દીધું છે. બેંકે તેના શેરધારકોને શનિવાર, 2 સપ્ટેમ્બરના રોજ સ્ટોક એજન્સીને જાણ કરી હતી. ઉદય કોટકના સ્થાને હવે બેંકના જોઈન્ટ એમડી દીપક ગુપ્તા 31 ડિસેમ્બર સુધી ચાર્જ સંભાળશે. જો કે, આ માટે પણ બેંકે ભારતીય રિઝર્વ બેંક અને બેંકના સભ્યો પાસેથી મંજૂરી લેવી પડશે. આ પછી જ દીપક ગુપ્તા બેંકનો ચાર્જ સંભાળી શકશે.
