આલ્કોહોલનો નિયમ: વિશ્વભરમાં વધુ દારૂ પીધા પછી માર્ગ અકસ્માતના કેસોમાં વધારો થયો છે. આ અકસ્માતોને રોકવાના હેતુથી ઈટાલીમાં નવો નિયમ બનાવવામાં આવ્યો છે.
જો તમે ઈટાલીના એક બારમાં વધુ પડતો દારૂ પીધો હોય તો સરકાર તમને ટેક્સી દ્વારા ઘરે લઈ જશે. ખાસ વાત એ છે કે આ સેવા માટે તમારે કોઈ વધારાનો ચાર્જ ચૂકવવો પડશે નહીં.
ઈટાલિયન સરકારે એક મહિના માટે 6 નાઈટક્લબમાં પાયલોટ પ્રોજેક્ટ તરીકે દારૂડિયાઓ માટે આ મફત ટેક્સી સેવા શરૂ કરી છે. તેનો હેતુ માર્ગ અકસ્માતોની સંખ્યામાં ઘટાડો કરવાનો છે.
યોજના હેઠળ, જે લોકો નાઇટક્લબમાંથી બહાર નીકળતી વખતે ખૂબ નશામાં દેખાય છે તેમની આલ્કોહોલ ટેસ્ટ કરવામાં આવશે. જો ટેસ્ટમાં તેણે વધુ આલ્કોહોલ પીધો હોવાનું જણાઈ આવશે તો તેને ઘરે લઈ જવા માટે મફત ટેક્સી સેવાની સુવિધા આપવામાં આવશે.
આ યોજના માટે ભંડોળ ઇટાલીના પરિવહન મંત્રાલય દ્વારા બનાવવામાં આવશે. આ યોજનાને ઇટાલીના પરિવહન પ્રધાન, નાયબ વડા પ્રધાન અને હાર્ડ-રાઇટ લીગ પાર્ટીના નેતા, માટ્ટેઓ સાલ્વિની દ્વારા આગળ ધપાવવામાં આવી છે.
નાયબ વડા પ્રધાન માટ્ટેઓ સાલ્વિનીએ કહ્યું કે, આ યોજના રસ્તા પર થતા અકસ્માતોને રોકવાની પહેલ છે. માર્ગ અકસ્માતોને રોકવા માટે દંડ અને કાયદા પૂરતા નથી.
યુરોપિયન ટ્રાન્સપોર્ટ સેફ્ટી કાઉન્સિલ (ETSC) દ્વારા 2020 નો અહેવાલ જણાવે છે કે નશામાં ડ્રાઇવિંગ એ ઇટાલીમાં એક ગંભીર સમસ્યા છે. યુરોપના અન્ય દેશોની સરખામણીએ અહીં વધુ લોકો દારૂ પીને વાહન ચલાવે છે.