સાવનનાં પ્રથમ દિવસે શેરબજારમાં હરિયાળી શરૂ થઈ ગઈ છે. આજે પણ બજારે રેકોર્ડ તોડવાનું શરૂ કર્યું છે. સ્થાનિક શેરબજારે સતત પાંચમા દિવસે ઈતિહાસ રચ્યો છે. સેન્સેક્સ પ્રથમ વખત 65500 ની ઉપર ખુલ્યો. આ સાથે જ નિફ્ટીએ પણ ઈતિહાસ રચ્યો અને 19406ના રેકોર્ડ સ્તરે ટ્રેડિંગ શરૂ કર્યું. સેન્સેક્સની અગાઉની સર્વકાલીન ઊંચી સપાટી 65,300.35 અને નિફ્ટી 19,345.10 હતી, જે 3 જુલાઈના રોજ કરવામાં આવી હતી.
શરૂઆતના કારોબારમાં સેન્સેક્સ 374.18 પોઈન્ટના ઉછાળા સાથે 65,579.23ના સ્તરે હતો. જ્યારે નિફ્ટી 85 પોઈન્ટના વધારા સાથે 19408 ના સ્તર પર છે.
સોમવારની સ્થિતિ
સ્થાનિક શેરબજારોમાં તેજી સોમવારે સતત ચોથા ટ્રેડિંગ સત્રમાં ચાલુ રહી હતી અને સેન્સેક્સ 486 પોઈન્ટથી વધુ ઉછળીને પ્રથમ વખત 65,000ની ઉપર બંધ રહ્યો હતો. સેન્સેક્સ 486.49 પોઈન્ટના ઉછાળા સાથે 65,205.05 પોઈન્ટની સર્વોચ્ચ સપાટીએ બંધ રહ્યો હતો. વેપાર દરમિયાન, એક તબક્કે તે 581.79 પોઇન્ટ ઉછળીને રેકોર્ડ 65,300.35 પર પહોંચ્યો હતો. નિફ્ટી પણ 133.50 પોઈન્ટના વધારા સાથે રેકોર્ડ 19,322.55 પોઈન્ટની સપાટીએ બંધ રહ્યો હતો. ટ્રેડિંગ દરમિયાન, તે 156.05 પોઈન્ટ ઉછળીને 19,345.10 પોઈન્ટની સર્વકાલીન ઊંચી સપાટીએ પહોંચ્યો હતો. આ સતત ત્રીજો દિવસ છે જ્યારે બંને બેન્ચમાર્ક સૂચકાંકો રેકોર્ડ ઊંચાઈએ બંધ થયા છે.
આ પાંચ કારણોથી બજારમાં તોફાન
1. ભારતનો આર્થિક વિકાસ દર મજબૂત રહેવાની અપેક્ષા છે
2. માર્ચ ક્વાર્ટરમાં જીડીપી, ફુગાવો અને જીએસટીના સારા આંકડા
3. દેશનું ઇન્ફ્રાસ્ટ્રક્ચર અને મેન્યુફેક્ચરિંગ સેક્ટર મજબૂત થયું
4. વિદેશી રોકાણકારોએ નવ મહિનામાં રેકોર્ડ નાણાં મૂક્યા
5. બજારની મિડ અને સ્મોલ કેપ કંપનીઓમાં રોકાણમાં વધારો
6. યુએસ ફેડરલ બેંક વ્યાજ દરો સ્થિર રાખે છે