બિગબોસ શર થતાં જ દરેક સ્પર્ધક કે જે ઘરમાં એન્ટ્રી લઈ રહ્યા હતા ત્યારે દરેક વ્યક્તિ સલમાન ખાનને લગભગ એક જ સરખી વાત કહી રહ્યા હતા કે સલમાન કાઇ પણ થઈ જાય પ્લીઝ તમે વિકેન્ડના વારમાં અમને વઢતા નહીં. આજે આ શૉને એક અઠવાડિયુ પૂરું થઈ ગયું છે અને વિકેન્ડના વારને હવે ગણતરીનો સમય જ બાકી છે.
ત્યારે વિકેન્ડના વાર માટેનો એક પ્રોમો ચેનલ દ્વારા શેર કરવામાં આવ્યો છે. આ પ્રોમોમાં માન્યા સિંહ અને શ્રીજીતા વચ્ચે ભયંકર લડાઈ થતી દેખાઈ રહી. તમને જણાવી દઈએ કે માન્યા સિંહ એ મિસ ઈન્ડિયા રનર અપ રહી છે. અને શ્રીજીતા ટીવીની ફેમસ અભિનેત્રી છે.
હાલમાં વાઇરલ થઈ રહેલ પ્રોમોમાં જોવા મળે છે કે માન્યા સિંહ અને શ્રીજીતા વચ્ચે ખૂબ લડાઈ થાય છે. વિડીયોમાં દેખાય છે કે માન્યા શ્રીજીતાના કરિયર પર સવાલ ઉઠાવે છે અને તે કહે છે કે આખરે તું છે શું એક ટીવી અભિનેત્રી? એટલે સુધી કે માન્યાએ આ અભિનેત્રીને શૈતાનનો ટેગ પણ આપી દીધો.
આ પ્રોમો વિડીયોમાં સલમાન ખાન માન્યાને વઢતા દેખાઈ રહ્યા છે. આ પ્રોમોથી આપણે અંદાજ લગાવી શકીએ છીએ કે આ સિઝનનું પહેલું વિકેન્ડકા વાર ખૂબ રસપ્રદ રહેવાનું છે. જેનાથી ચાહકો ખૂબ ખુશ થઈ જવાના છે.
તમને જણાવી દઈએ કે બિગબોસની આ સિઝન ખરેખર કાઈક ખાસ છે. માન્યા સિંહ એ એક રિક્ષા ચાલકની દીકરી છે અને તેમ છતાં તે પોતાનું મિસ ઈન્ડિયાનું સપનું જોયું. આ શોમાં તેણે પોતના સ્ટ્રગલની કહાની જણાવી હતી.
તે જ્યારે શોમાં આવી હતી ત્યારે સલમાન ખાને તેના ખૂબ વખાણ કર્યા હતા. પણ હવે તેના એટીટ્યુડને લીધે તે હવે સલમાન ખાનના ગુસ્સાનો શિકાર બની છે. સોશિયલ મીડિયા પર માન્યાના આ વર્તનને ઘમંડનું નામ આપવામાં આવ્યું છે.
તમને જણાવી દઈએ કે પહેલા અઠવાડિયામાં ઘરમાં રહેલ આ બધા સ્પર્ધકમાંથી 4 સ્પર્ધકના માથે નોમિનેશનની તલવાર લટકી રહી છે. નોમિનેશનમાં આ પહેલા અઠવાડિયામાં સાજિદ ખાન, ગૌતમ વિગ, શિવ ઠાકુર, એમસી સ્ટેનનું નામ શામેલ છે.
આ અઠવાડિયામાં આમાંથી કોઈ ઘરથી બહાર જઈ શકે છે. હવે જોવું રહેશે કે આ પહેલા અઠવાડિયે કોણ આ ઘરમાંથી વિદાઇ લેશે. તમને આ શૉમાં કોણ સૌથી વધુ મજબૂત લાગે છે? અમને કોમેન્ટમાં જણાવો.
