નવજાત બાળક જેટલું માસૂમ, ક્યૂટ અને સુંદર ભાગ્યે જ કોઇ હોતું હશે. પેરેન્ટ્સ અને પરિવારના સભ્યો માટે બાળકની એક સ્માઇલ તેમના જીવનનો આધાર બની જાય છે. બાળક સાથે થોડો સમય વિતાવ્યા બાદ પેરેન્ટ્સને તેમના બાળકોની ગમા – અણગમા વિશે, તેના કેવી રીતે ઊંધાડવા તે વિશે સમજાવા લાગે છે. પરંતુ બાળકો વિશે એવી કેટલીક બાબતો છે જે ભાગ્યે જ લોકોને ખબર હશે. અહીં તમને ન્યૂબોર્ન બેબી વિશે કેટલીક રસપ્રદ ફેક્ટ્સ જણાવવા જઇ રહ્યા છીએ.
જ્યારે નવજાત બાળકને ભૂખ લાગે છે અથવા તો તેને કોઇ તકલીફ થાય છે ત્યારે તે તમને રડીને કહે છે. પરંતુ તમે નોટિસ કર્યું છે કે નવજાત બાળકની આંખમાથી આંસુ નથી નીકળતા. બાળક એક મહિનાનું થાય ત્યાં સુધી તેની આંખમાંથી આંસુ નથી નીકળતા. કેટલાક કિસ્સાઓમાં બાળક ચાર કે પાંચ મહીનાનું થાય ત્યાર પછી તેની આંખમાંથી આંસુ નીકળવા લાગે છે. જન્મના બેથી ત્રણ અઠવાડિયા સુધી બાળક માત્ર રડે છે તેની આંખમાંથી આંસુ નથી નીકળતા.નવજાત બાળક ઘણીવાર અનિયમિત રીતે શ્વાસ લે છે અને તે સામાન્ય વાત છે. ખાસ કરીને જ્યારે બાળક ઊંઘી રહ્યું હોય તો તેનો શ્વાસ 5થી 10 સેકેન્ડ માટે અટકી જાય છે.
આ બાબતને લઇને પેરેન્ટ્સને ચિંતા થાય છે પરંતુ આ બહુ સામાન્ય છે. પરંતુ જો બાળક લાંબા સમયથી શ્વાસ નથી લેતું અને બ્લૂ થવા લાગે છે તો તે ઇમરજન્સીના સંકેત છે.માત્ર 15 ટકા જ નવજાત શિશુ તેનું મોંઢુ લેફ્ટ બાજૂ રાખે છે બાકી બાળકો નેચરલી જ તેમનો ચહેરો રાઇટ બાજૂ રાખે છે. કહેવાય છે આનો સંબંધ જીન્સ સાથે હોય છે. જો કે થોડા સમય બાદ તે નોર્મલ થઇ જાય છે.જન્મના બાદ પહેલા થોડા અઠવાડિયા સુધી બાળકોને માત્ર બ્લેક, વ્હાઇટ અને ગ્રે જ દેખાય છે અને તેઓ તેમના ચહેરાથી 8થી 12 ઇંચ સુધી જ જોઇ શકે છે. જો કે થોડા અઠવાડિયા બાદ તેને રંગ દેખાવા લાગે છે.નવજાત શિશુ મોટા અવાજને કારણે કે ઘણી વાર પોતાના જ રડવાના અવાજને કારણે ડરી જાય છે. તેને મોરો રિફ્લેક્સ કહેવામાં આવે છે. થોડા મહિનાઓ બાદ બાળક આમ કરવાનું બંધ કરી દે છે. આ સિવાય મોટો અવાજ પણ બાળકોને ડરાવી દે છે.
