સલમાન ખાન અને તેમના પાડોશી કેતન કક્કર વચ્ચે ચાલી રહેલો વિવાદ હવે ઘરથી કોર્ટમાં પહોંચી ગયો છે. સલમાનના પાડોશી કેતન દ્વારા તેમના પર લગાવવામાં આવેલા આરોપો ખૂબ જ ગંભીર છે. કેતન કક્કરે સલમાન ખાન પર 5 મોટા આરોપ લગાવ્યા છે.
આવો અમે તમને સલમાન ખાન પર તેના પાડોશી કેતન કક્કડ દ્વારા લગાવવામાં આવેલા પાંચ આરોપો વિશે એક પછી એક જણાવીએ.
કલાકારોના મૃતદેહ ફાર્મહાઉસમાં દફનાવવામાં આવ્યા છે. કેતન કક્કડનો પહેલો મોટો આરોપ છે કે, સલમાન ખાનના પનવેલ ફાર્મહાઉસમાં પાર્ટીઓ થતી હતી, જેમાં બોલિવૂડ ઉદ્યોગ કલાકારોને આમંત્રણ આપવામાં આવતું હતું. તે અભિનેતાની પછી ત્યાં હત્યા કરવામાં આવે છે અને તેમના મૃતદેહને દફનાવવામાં આવતા હતા. તેમનો દાવો છે કે, આજે પણ તે કલાકારોના મૃતદેહો ત્યાં દફનાવવામાં આવેલ છે.
સલમાનના પાડોશી કેતને વધુ એક ગંભીર આરોપ લગાવ્યો છે કે, અભિનેતા સલમાન ખાન બાળકોની તસ્કરી કરે છે. તેઓ કહે છે કે સલમાન તેમના ફાર્મહાઉસમાંથી બાળકોની તસ્કરી પણ કરે છે, જેના દ્વારા તે ખૂબ જ પૈસા કમાય છે.
કેતનનો આરોપ છે કે, અભિનેતા સલમાન ખાનના ડી-ગેંગ સાથે સંબંધો છે. તેઓનો આરોપ છે કે ડી-ગેંગ સાથેના જોડાણને કારણે જ સલમાન ઉદ્યોગમાં પોતાની ઓળખ બનાવી શક્યા છે. તે લોકોને ડરાવે છે, જેથી તેમની સામે કોઈ બોલી ન શકે અને ઊભા થવાની હિંમત ન કરે.
કેતન કક્કરનું કહેવું છે કે, સલમાન ખાનના ડી-ગેંગ તેમજ રાજ્ય સરકારના મોટા નેતાઓ સાથે સંબંધો છે. કેતનના કહેવા પ્રમાણે, સલમાન રાજ્ય સરકારમાં પણ પોતાનું શાસન ચલાવવા માંગે છે.
કેતને સલમાન ખાન પર તેમની સંપત્તિ હડપ કરવાનો આરોપ પણ લગાવ્યો છે. કેતનનું ફાર્મહાઉસ અર્પિતાના ફાર્મહાઉસની બાજુમાં છે, જેનો એક ભાગ સલમાને તેમની મિલકતમાં ભેળવી દીધો છે અને તે તેમને ત્યાં બાંધકામ પણ કરવા દેતો નથી.
બીજી તરફ સલમાન ખાને કેતન કક્કડ પર લાગેલા આરોપો પછી તેમની સામે માનહાનિનો કેસ દાખલ કર્યો છે, જેની સુનાવણી કોર્ટમાં ચાલી રહી છે. કેતન કક્કર એક NRI છે, જે હવે પનવેલમાં સલમાનના ફાર્મહાઉસની બાજુમાં રહે છે.
