આજે કન્નડ ફિલ્મોના સુપરસ્ટાર યશનો ગઈ કાલે જન્મદિવસ હતો. થોડા વર્ષો પહેલા સુધી આ નામ કોઈ જાણતું ન હતું, પણ જ્યારથી KGFએ સફળતાના ઝંડાઓ લહેરાવ્યા છે, ત્યારથી આખું ભારત આ અભિનેતા માટે દિવાના બની ગયું છે. હવે તેના જન્મદિવસના અવસર પર તેમની બ્લોકબસ્ટર ફિલ્મ ફ્રેન્ચાઇઝી ‘KGF’ના બીજા ભાગનું નવું પોસ્ટર રિલીઝ કરવામાં આવ્યું છે.
યશની લોકપ્રિયતાનો અંદાજ એ વાત પરથી લગાવી શકાય છે કે, તે તેના જન્મદિવસના દિવસે ટ્વિટર પર ટોપ ટ્રેન્ડમાં સામેલ થયો છે. તેઓ નંબર વન પર ટ્રેન્ડ કરવા લાગ્યા છે. તેમના ચાહકો તેમને સતત અભિનંદન પાઠવ્યા હતા. ‘KGF 2’ ફિલ્મની રિલીઝ તારીખમાં પણ કોઈ ફેરફાર કરવામાં આવ્યો નથી, તે તેની જૂની તારીખે રિલીઝ થવા જઈ રહી છે.
અમે તમને યશના અંગત જીવન વિશે જણાવવા જઈ રહ્યા છીએ. કન્નડ ફિલ્મોમાં કામ કરીને આટલા પૈસા, નામ અને ખ્યાતિ મેળવનાર યશના પિતા બસ ડ્રાઈવર છે? એટલું જ નહીં યશનું અસલી નામ પણ કંઈક બીજું છે. યશનું સાચું નામ નવીન કુમાર ગૌડા છે, જેનો જન્મ 8 જાન્યુઆરી 1986ના રોજ થયો હતો.
તેઓ તેમના સ્ક્રીન નેમ યશથી ઓળખાય છે. તેમણે મોટાભાગે કન્નડ ફિલ્મોમાં કામ કર્યું છે. યશ કન્નડ ફિલ્મ ઈન્ડસ્ટ્રીના સૌથી વધુ કમાણી કરનારા કલાકારોમાંથી એક છે. ચાહકો તેને પ્રેમથી ‘રોકિંગ સ્ટાર’ પણ કહે છે.
આ અભિનેતાએ વર્ષ 2008માં ફિલ્મ મોગીના મનસુથી ડેબ્યૂ કર્યું હતું. આ પછી તે બીજી ઘણી ફિલ્મોમાં પણ જોવા મળ્યા છે. જેમાં ‘રાજધાની’, ‘ડ્રામા’, ‘માસ્ટરપીસ’, ‘ગુગલી’, ‘રાજા હૂલી’, ‘મિસ્ટર એન્ડ મિસિસ રામચારી’ અને ‘KGF: ચેપ્ટર 1’નો સમાવેશ થાય છે.
યશની આગામી ફિલ્મ ‘KGF: ચેપ્ટર 2’ આ વર્ષે રિલીઝ થવા જઈ રહી છે, ચાહકો આ ફિલ્મની આતુરતાથી રાહ જોઈ રહ્યા છે. તેમની આ ફિલ્મની રિલીઝ તારીખ માત્ર 14 એપ્રિલ 2022 રાખવામાં આવી છે. જો કોરોના રહેશે તો ફિલ્મની તારીખ બદલી શકાશે.
કરોડોની કમાણી કરનાર યશના પિતા અરુણ કુમાર BMTC ટ્રાન્સપોર્ટ સર્વિસમાં ડ્રાઈવર તરીકે કામ કરે છે. યશના પિતાને તેમનું કામ કરવું ગમે છે. એટલા માટે સુપરસ્ટારના પિતા હોવા છતાં, પણ તેઓ પોતાનું કામ પૂરા સમર્પણથી કરે છે. યશની માતા પુષ્પા ગૃહિણી છે. યશને એક બહેન પણ છે, જેનું નામ નંદિની છે.
યશે બાળપણ મૈસૂરમાં વિતાવ્યું હતું. અભ્યાસ પૂરો કર્યા પછી, તે અભિનય શીખવા માટે બિનાકા નાટક મંડળમાં જોડાયા હતાં. ફિલ્મોમાં આવતા પહેલા યશે ઘણી ટીવી સિરિયલોમાં કામ કર્યું છે. વર્ષ 2008 માં, તેમને તેમની પ્રથમ ફિલ્મ મળી, જેમાં તેમની કો-સ્ટાર રાધિકા પંડિત હતી, જે આજે તેમની પત્ની અને બે બાળકોની માતા બની ગઈ છે.
રાધિકા અને યશના રિલેશન વિશે કહેવામાં આવે છે કે, બંને લાંબા સમયથી એકબીજાને પસંદ કરી રહ્યા હતા. બંને ઘણી ફિલ્મોમાં સાથે દેખાયા હતા અને 2016 માં ગુપ્ત રીતે સગાઈ કરી હતી અને તે જ વર્ષે બેંગ્લોરમાં ખાનગી લગ્ન પણ કર્યા હતા. આ પછી તેમણે રિસેપ્શન પાર્ટી આપી હતી, ત્યાર પછી યશે બધાને ખુલ્લેઆમ આમંત્રણ આપ્યું હતું.
