બોલીવુડ ફિલ્મોમાં ઘણીવાર ફિલ્મ સ્ટાર્સ વચ્ચેની મિત્રતાની વાતો થતી રહે છે. આવા ઘણા સ્ટાર્સ છે, જેમની વચ્ચે મિત્રતાનું ખૂબ જ મજબૂત બંધન છે, જ્યારે ઘણીવાર ફિલ્મ કલાકારો વચ્ચેની દુશ્મની, અણબનાવ પણ ચર્ચામાં રહે છે. બોલિવૂડની જાણીતી અભિનેત્રી કરીના કપૂર અને એશા દેઓલ એક સમયે ઘણા સારા મિત્રો હતા, પણ પછીથી બંને દુશ્મન બની ગયા છે.
એક સમય હતો, જ્યારે એશા દેઓલ અને કરીના કપૂર એકબીજાના ખૂબ સારા મિત્રો હતા. બંનેની મિત્રતા એક સમયે જય વીરુની જોડીની જેમ ખૂબ જ મજબૂત હતી, પણ પછીથી તેમના સંબંધોમાં તિરાડ આવી અને તે જાહેરમાં પણ જોવા મળી.
કરીના અને ઈશા એક જ ઉંમરના છે. બંનેનું ફિલ્મી કરિયર પણ સાથે શરૂ થયું હતું. તે જ સમયે, બંને અભિનેત્રીઓ ફોન પર પણ ઘણી વાતો કરતી હતી. એટલું જ નહીં બંને એકબીજા સાથે દરેક વાત શેર કરતા હતા, પણ પછી એવું તો શું થયું કે, બંનેની મિત્રતામાં ખટાશ આવી ગઈ. ચાલો તેના વિશે.
કરીના અને ઈશાએ સાથે એક શાળામાં ભણતા હતા. અભિનેતા રણધીર કપૂર અને અભિનેત્રી બબીતા કપૂરની પુત્રી અને બોલીવુડ ફિલ્મના પીઢ અભિનેતા ધર્મેન્દ્ર અને બોલિવૂડની સદાબહાર અભિનેત્રી હેમા માલિનીની પુત્રી. બંને વચ્ચે નાનપણથી જ મિત્રતાનો સંબંધ હતો. જોકે, પછી બંને મિત્રોમાંથી દુશ્મન બની ગયા હતા.
કરીના કપૂરે તેના એક ઈન્ટરવ્યુ દરમિયાન ઈશા અને તેના સંબંધો વિશે વાત કરી હતી. તેમણે એકવાર ફિલ્મફેરને ઈન્ટરવ્યુ આપ્યું હતું. આ દરમિયાન અભિનેત્રીને પૂછવામાં આવ્યું કે, શું તે કામમાં વ્યસ્ત હોય, ત્યારે મિત્રોને સમય આપી શકે છે કે નહીં? એમને જવાબ આપતાં કરીનાએ કહ્યું હતું કે, “વધુ નહીં”.
પોતાની વાત ચાલુ રાખતા કરીનાએ આગળ કહ્યું કે, “સારું, મારે ફક્ત ચાર કે પાંચ મિત્રો છે. જેમાં કરણ જોહર અને મનીષ મલ્હોત્રા ગાઢ મિત્રો છે. આ ઉપરાંત હું અભિષેક બચ્ચન અને અક્ષય કુમાર સાથે આરામદાયક અનુભવું છું. ચોક્કસપણે એશા દેઓલની સાથે તે પણ મારી સૌથી નજીકની મિત્ર છે.
વધુમાં, કરીનાએ ફિલ્મફેરને કહ્યું કે, “અમે પહેલી છ ફિલ્મોમાં સાથે કામ કર્યું છે અને હું તેને નાની બહેનની જેમ માનું છું. હું ઈશાને બધું કહું છું. તે મારી પસંદ-નાપસંદ વિશે જાણે છે. મને ખાતરી છે કે, લોકો અમારી મિત્રતા જોઈને ઈર્ષ્યા કરતા હશે.
બંને અભિનેત્રીઓ વચ્ચે અંતર અને અણબનાવ હોવાના અહેવાલો આવ્યા હતા, પણ જ્યારે ઈશાએ કરીના અને કપૂર પરિવારને તેના લગ્નમાં આમંત્રણ આપ્યું ન હતું, ત્યારે આ વાતો વધુ જોર પકડતી હતી. એટલું જ નહીં ઈશા કરીનાના લગ્નમાં પણ જોવા મળી ન હતી.
બીજી તરફ કરીનાએ અન્ય એક ઈન્ટરવ્યુમાં કહ્યું હતું કે, હું ફિલ્મ ‘હિરોઈન’ના શૂટિંગના કારણે થાઈલેન્ડમાં છું અને હું 5 જુલાઈએ પરત ફરીશ, જેના કારણે હું ઈશાના લગ્નમાં હાજરી આપી શકીશ નહીં. હું ઈશાને સુખી દાંપત્યજીવનની શુભેચ્છા પાઠવું છું. મને અને મારા પરિવારને એશા દેઓલે લગ્નમાં આમંત્રણ આપ્યું છે. ઈશાએ તેમની સેક્રેટરી મારફત મને આમંત્રણ મોકલ્યું છે.
