બોલિવૂડના દબંગ સલમાન ખાનએ પોતાનો 56મો જન્મદિવસની ઉજવણી કરી. સલમાન ખાન લાંબા સમયથી બોલીવુડ ઉદ્યોગ પર રાજ કરી રહ્યા છે. આ લાંબી કારકિર્દીમાં ઘણા તારલા તેના મિત્રો બની ગયા છે અને ઘણા તારલા તેની પાસેથી દુશ્મની પણ લીધી છે. આજે અમે તમને એવા તારલા વિશે જણાવી રહ્યા છીએ જેમને સલમાન ખાન બિલકુલ પસંદ નથી કરતા.
ઐશ્વર્યા રાય સાથે સલમાન ખાનના મતભેદો પછી એશના જીવનમાં વિવેક ઓબેરોયનો પ્રવેશ થયો હતો. જેઓ તે સમયે સાથિયા જેવી ફિલ્મોની સફળતા પર સાતમા આસમાને હતા. વિવેક ઓબેરોયે સલમાન ખાન વિરૂદ્ધ પ્રેસ કોન્ફરન્સ બોલાવી અને તેમને ધમકી આપવાનો આરોપ લગાવ્યો હતો. આ ઝઘડો ઘણો વધી ગયો હતો. જે પછી આજ સુધી સલમાન ખાન વિવેક ઓબેરોયને જોઈને પીઠ ફેરવી લે છે.
આ વાત ખૂબ ઓછા લોકો જાણે છે, પણ અનુરાગ કશ્યપ સલમાન ખાન સ્ટારર તેરે નામનું નિર્દેશન કરવાના હતા. અનુરાગ દેખીતી રીતે સલમાનને યુપીના છોકરાના રોલમાં કાસ્ટ કરવા માંગતો ન હતો કારણ કે, તેમને લાગ્યું કે, તેઓ આ રોલ માટે યોગ્ય નથી, પણ ફિલ્મના મેકર્સ સલમાનને કાસ્ટ કરવા માંગતા હતા. અનુરાગે આ ફિલ્મ માટે સલમાનને તેમની છાતી પર થોડા વાળ ઉગાડવા કહ્યું હતું. તેના પર સલમાન ખાનનો પારો સાતમા આસમાને ચડી ગયો હતો.
અરિજીત સિંહ અને સલમાન ખાન એક એવોર્ડ શોમાં ટકરાયા હતા. સલમાન જ્યારે એક એવોર્ડ શોમાં એન્કરિંગ કરી રહ્યા હતા, ત્યારે તેમણે અરિજીતને સુવાડવા વાળો ગાયક કહ્યો હતો. આ અંગે અરિજીત સિંહે પણ તેમને યોગ્ય જવાબ આપ્યો હતો. તે સમયથી અરિજીત સિંહ સલમાન ખાનના દુશ્મનોની યાદીમાં સામેલ થઈ ગયા હતા.
સલમાન ખાન અને ઐશ્વર્યા રાય બચ્ચન વિશે આખી દુનિયા જાણે છે. તે બંને મિત્રો નથી, બધા આ વિશે જાણે છે. સલમાન ખાન સાથેના વિભાજન પછી અભિનેત્રીએ અભિષેક બચ્ચન સાથે લગ્ન કર્યા હતા. આ પછી સુપરસ્ટાર સલમાન ખાને ક્યારેય એક્ટ્રેસ તરફ જોયું નથી. આ તારલા ક્યારેય એકબીજા સાથે ટકરાતા પણ નથી.
દેશમાં દેશી ગર્લ તરીકે જાણીતી અભિનેત્રી પ્રિયંકા ચોપરાએ સુપરસ્ટાર સલમાન ખાનની ફિલ્મ ભારતનું શૂટિંગ શરૂ થયાના થોડા દિવસો પહેલા જ તે ફિલ્મમાં કાર્ય કરવાની ના પાડી દીધી હતી. અભિનેત્રીએ લગ્નનું કારણ આપીને ફિલ્મ છોડી દીધી હતી. આ પછી સલમાન ખાન અને પ્રિયંકા ચોપરાની મિત્રતા પણ તૂટી ગઈ હતી.
જ્યારે રણબીર કપૂરે કેટરિના કૈફને ડેટ કરવાનું શરૂ કર્યું, ત્યારે સલમાન ખાન અને તેઓ સામસામે હતા. બંને વચ્ચે ઝઘડો થયો હોવાનું કહેવાય છે. જેમાં સલમાન ખાને તેમને થપ્પડ મારી હતી. સલમાન ખાન અને રણબીર કપૂરની આ લડાઈ એ સમયે ત્યાં હાજર સંજય દત્તે પૂરી કરી નાખી હતી. આ ઘટના પછી સલમાન ખાન અને રણબીર કપૂર ક્યારેય એકબીજાની સામે આવ્યા નથી. આ ઘટનાનો ઉલ્લેખ સલમાન ખાને બહેન અર્પિતા ખાનના લગ્નમાં પણ કર્યો હતો.
નિર્દેશક અનુરાગ કશ્યપના ભાઈ અભિનવ કશ્યપે પણ સલમાન ખાન અને તેના પરિવાર પર તેની કારકિર્દી ખરાબ કરવાનો આરોપ લગાવ્યો હતો.
