આ વર્ષમાં બોલિવુડમાં એક પછી એક ખરાબ સમાચાર આવતા રહે છે,થોડા દિવસ પહેલા જ સંજય દત્તને હોસ્પિટલમાં દાખલ કરવામાં આવ્યો હતો ત્યારે તાજેતરમાં જ હોસ્પિટલમાંથી રજા લઇને ઘરે પાછા ફર્યા હતા.
ત્યારે હવે સમાચાર મળી રહ્યા છે કે ફિલ્મ સ્ટાર સંજય દત્તને ત્રીજા સ્ટેજનું ફેફસાનું કેન્સર હોવાનો ખુલાસો થયો છે. સૂત્રો દ્વારા પ્રાપ્ત થયેલી જાણકારી પ્રમાણે સારવાર અર્થે તેમને અમેરિકા લઇ જવામાં આવી શકે છે.
મળતી માહિતી પ્રમાણે બોલિવૂડ એક્ટર સંજય દત્તના ચાહકો માટે ખરાબ સમાચાર આવી રહ્યા છે. અભિનેતા સંજય દત્ત ફેફસાના કેન્સર હોવાનું સામે આવ્યું છે. તેમને હાલ આ બીમારી હાલ ત્રીજા તબક્કે છે.
સંજય દત્ત આ ગંભીર બિમારીની સારવાર માટે વિદેશ જવા રવાના થશે. તે યુએસ અથવા સિંગાપોર જવા રવાના થશે.આ ટ્વિટ બાદ સંજય દત્તના ચાહકોના ફેન્સની ચિંતા વધી ગઈ છે. હવે તેમની કેન્સરની બીમારી વિશે સાંભળી ચાહકો પરેશાન છે અને સોશ્યલ મીડિયા પર તેની માટે પ્રાર્થના કરી રહ્યાં છે.
બોલિવૂડ એક્ટર સંજય દત્તે એક નિવેદન આપ્યું અને કહ્યું કે, હાલમાં તબિયત અને મેડિકલ ટ્રીટમેન્ટના કારણે તે કામમાંથી બ્રેક લઇ રહ્યા છે. જોકે ગભરાવવાની જરૂર નથી. પરિવાર, મિત્રો અને ફેન્સનો પ્રેમ સાથે છે. ખોટી અફવાઓ વિશ્વાસ ન કરવી. હું જલ્દી પાછો આવીશ. નોંધનીય છે કે સંજયને શ્વાસ લેવામાં તકલીફના કારણે હાલમાં લીલાવતી હોસ્પિટલમાં દાખલ કરવામાં આવ્યા હતા. ત્યાં જ તબીબો એ તેમને આરામ કરવાની સલાહ આપી છે.
સંજય દત્તની તબિયત સારી ન થવાના કારણે પીરીયડ ડ્રામા ફિલ્મ શમશેરાની શૂટિંગમાં અડચણ પેદા થઇ ગઈ છે. આ ફિલ્મ યશરાજ ફિલ્મ્સના બેનર હેઠળ બની રહી છે. અહેવાલ પ્રાપ્ત થયા છે કે શૂટિંગને ટાળી દેવામાં આવી છે. મીડિયા અહેવાલ અનુસાર ફિલ્મમાં અમુક દિવસની શૂટિંગ બાકી છે જેમાં સંજય દત્તે ત્રણ દિવસનું કામ કરવાનું બાકી છે.
સંજય દત્તની અપકમિંગ ફિલ્મ સડક-2નું પોસ્ટર હાલમાં જ રિલીઝ કરવામાં આવ્યું છે. 29 વર્ષ પહેલા સડકની આ સિકવલ છે. આ ફિલ્મમાં 21 વર્ષ બાદ મહેશ ભટ્ટ નિર્દેશક તરીકે પરત ફર્યા છે. આ ફિલ્મમાં આલિયા ભટ્ટ અને આદિત્ય રોય કપૂર લીડ રોલમાં છે અને આ સિવાય કેજીએફ 2 અને શમશેરામાં પણ સંજય દેખાશે.
