બોલિવુડમાં એક પછી પછી એક કોરોનાનો કહેર વધી રહ્યો છે, અમિતાભ બચચ્ચનના પરિવાર બાદ અનુપમ ખેરના પણ ઘરના ચાર સદ્સ્યનો કોરોના રિપોર્ટ પોઝિટિવ આવ્યો હતો.અને હવે અભિનેત્રી હેમામાલિની પુત્રી ઇશા દેઓલના ઘરે પણ કોરોના પહોંચ્યો હોય તેમ જણાય છે.
અભિનેત્રી ઇશાના બંગલાના દરવાજા પર ઘર સીલ કર્યાની નોટિસ જોવા મળી રહી છે. જેની તસવીર સોશિયલ મીડિયા પર ફરી રહી છે.અમિતાભ બચ્ચન, રેખા અને અનુપમ ખેર પછી ઇશાના ઘરમાં કોઇ કોરોનાના સપાટામાં આવ્યું હોય તેમ જણાય છે.
બીએમસીએ તેના ઘરને સીલ કરીને રેડ ઝોન એરિયા ઘોષિત કર્યો છે. નગરપાલિકાની નોટીસ જોઇને સ્પષ્ટ થાય છે કે, તેના ઘરે કોરોના વાયરસ પહોંચી ગયો છે.ઇશા કે બીએમસી બન્ને તરફથી કોઇ પણ જાણકારી આપવામાં આવી નથી.
જોકે થોડા સમય પહેલા હેમા માલિનીની કોરોના થયો હોવાની વાત ચગી હતી પરંતુ ઇશાએ આ વાતને અફવામાં ખપાવી હતી.ઇશા દેઓલનો બંગલો કન્ટેન્ટ ઝોનમાં ચોક્કસપણે સામેલ થયો છે, પરંતુ તેમના પરિવારમાં કોણ પોઝિટિવ છે તે હજુ સુધી જાણી શકાયું નથી.
થોડા દિવસો પહેલા મીડિયામાં હેમા માલિની કોરોના પોઝિટિવ હોવાના સમાચાર આવ્યા હતા. જો કે, હેમા માલિની અને ઇશા દેઓલ બંનેએ આ સમાચારોને નકારી કાઢ્યા હતા. આવી સ્થિતિમાં લોકો અનુમાન લગાવી રહ્યા છે કે હવે તેમના બંગલામાં તેમના ઘરના કયા સભ્યના રિપોર્ટ પોઝિટિવ આવ્યા છે.
