દેશ અને દુનિયામાં ફેલાવો કરનાર કોરોના વાયરસની બોલિવુડ પર પણ મોટી અસર જોવા મળી રહી છે,મહાનાયક અમિતાભ બચ્ચન ના પરિવાર પછી હવે ગુજરાતી ફિલ્મ ઇન્ડસ્ટ્રીના જાણીતા એક્ટર પ્રતિક ગાંધી સહિત પરિવારના ત્રણ સદસ્યોના કોરોના રિપોર્ટ પોઝિટિવ આવ્યા છે.
આ વાતની જાણકારી ખૂદ એક્ટર પ્રિતિક ગાંધીએ ટ્વીટ કરીને જણાવ્યું હતું કે, હું અને મારી પત્ની ઘરમાં સારવાર લઈ રહ્યા છીએ, જ્યારે મારા ભાઈને હોસ્પિટલમાં એડમિટ કરાવાયા છે. અમે મિત્રો અને પરિવારની પ્રાર્થના અને સપોર્ટ દ્વારા વાયરસને મજબૂત લડાઈ આપી રહ્યા છીએ.
આપને જાણાવી દઇએ કે પાછલા મંગળવારે પ્રતિક ગાંધી અને તેમના ભાઈએ કોરોના ટેસ્ટ કરાવ્યો હતો. એક્ટરે તે સમયે પોસ્ટમાં લખ્યું હતું કે, છેલ્લા 120 દિવસ કરતા પણ વધુ સમયથી સેલ્ફ ક્વોરન્ટાઈનમાં રહેવા છતાં મને અને મારા ભાઈને અસહનીય માથું દુઃખવું તથા તાવ અને શરીરમાં નબળાઈ લાગે છે. એટલે જ અમે આવતીકાલે કોરોના ટેસ્ટ કરાવવાનું નક્કી કર્યું છે. અત્યારે પરિસ્થિતિ ખૂબ જ ભયાનક છે, તેની ગંભીરતાને સમજો. પ્લીઝ જરૂર ન હોય તો ઘરની બહાર ન નીકળો.
પ્રતિક ગાંધીના ફિલ્મી કરિયરની વાત કરીએ તો તેણે ઢોલિવૂડમાં ‘લવની ભવાઈ’, ‘રોંગ સાઈડ રાજૂ’, ‘બે યાર’, ‘વેન્ટીલેટર’ સહિતની ઘણી ફિલ્મોમાં કામ કર્યું છે.અને આ વર્ષે ફિલ્મ લવની લવ સ્ટોરીમાં પણ જોવા મળ્યો હતો.
