કોરોના વાયરસ અને લોકડાઉનના કારણે લોકો આર્થિક રીતે કંગાળ થતાં જાય છે. ટીવી સ્ટાર્સને પણ પૈસાની બાબતે સમસ્યાઓનો સામનો કરવો પડી રહ્યો છે. લોકડાઉનને કારણે ફિલ્મ અને ટીવી ઇન્ડસ્ટ્રી પર સંપુર્ણ રીતે બ્રેક છે. હવે ટીવી એક્ટ્રેસ સાયંતાની ઘોષે તેના વિશે વાત કરી છે.
સાયંતાનીએ જણાવ્યું હતું કે, “કટોકટી એવી છે કે તે લોકો પૈસા ચુકવણીનો ઇનકાર તો નથી કરી રહ્યા પરંતુ તેઓ કેવી રીતે ચૂકવણી કરશે. ઓફિસો પણ બંધ છે. આપણે બધાને અસુવિધાનો સામનો કરવો પડી રહ્યો છે. મારા કિસ્સામાં પણ પૈસા અટવાયા છે. મારી પાસે ઘણા ખર્ચ છે. મારા ઘર અને કારના EMI છે.
જો કે સરકારે તેમાં છૂટછાટ આપી છે કે તે 2-3 મહિના માટે તે મુલતવી રાખવામાં આવશે પરંતુ મારે ઘર પણ ચલાવવું પડશે. તેમાં મને અસુવિધા થઈ રહી છે. મારું દિલ એ લોકો માટે દુ:ખે છે જેઓ દૈનિક વેતન મજૂરી કરે છે.
એવા કલાકારો પણ કે જેમણે હમણાં જ કામ શરૂ કર્યું છે અને હજી સારી સ્થિતિમાં નથી. તે દરેક માટે મુશ્કેલ સમય છે. વર્કફ્રન્ટની વાત કરીએ તો સાયંતાની ઘોષ નાગીન 4 માં જોવા મળી હતી. તે શોમાં એક સાપના પાત્રમાં હતી. હવે તે શોની બહાર છે. આ શોમાં તેના પાત્રની હત્યા કરવામાં આવી છે.
