ઉત્તર બ્રાઝિલના બે રાજ્યોને જોડતો પુલ તૂટી પડતાં ઓછામાં ઓછા બે લોકો માર્યા ગયા હતા અને ડઝનેક લોકો ગુમ થયાના અહેવાલ છે. પોલીસે સોમવારે આ અંગે માહિતી આપી હતી. સલ્ફ્યુરિક એસિડના લીકેજને કારણે બચાવ કામગીરી જટિલ બની છે. સ્થાનિક રહેવાસીઓ દ્વારા મેળવેલા ફૂટેજમાં દર્શાવવામાં આવ્યું છે કે રવિવારે જ્યારે કાર અને ટ્રક ‘જુસેલિનો કુબિટશેક ડી ઓલિવિરા’ બ્રિજ પાર કરી રહ્યા હતા ત્યારે પુલનો મોટો ભાગ નદીમાં પડી ગયો હતો.
પોલીસે તપાસ શરૂ કરી હતી
ઉત્તરીય રાજ્યો મારનહાઓ અને ટોકેન્ટિન્સની સરહદ પર કામ કરતી પોલીસે જણાવ્યું હતું કે ચાર ટ્રક, બે કાર અને બે મોટરસાયકલ સહિત આઠ વાહનો ગુમ થયા છે. પોલીસ અને બ્રાઝિલના રોડ ડિપાર્ટમેન્ટે કહ્યું કે તેઓએ આ મામલે તપાસ શરૂ કરી છે.
Another tragedy in Brazil: one of the largest bridges connecting the south to the north of the country has collapsed. The bridge links the borders between Maranhão and Tocantins. So far, there are reports of 3 deaths, including one being a child. pic.twitter.com/0ipf0tUKlE
— Global Intel Watch (@WAffairsBlog) December 22, 2024
બ્રાઝિલમાં પ્લેન ક્રેશ
આ પહેલા રવિવારે બ્રાઝિલના ગ્રામાડો શહેરમાં એક નાનું પ્લેન ક્રેશ થયું હતું. આ દુર્ઘટનામાં 10 મુસાફરો અને ક્રૂ મેમ્બરના મોત થયા હતા. પ્લેન ક્રેશ દરમિયાન જમીન પર હાજર એક ડઝનથી વધુ લોકો ઘાયલ થયા હતા અને તેમને હોસ્પિટલમાં દાખલ કરવામાં આવ્યા છે. અકસ્માતના કારણો હજુ સુધી જાણવા મળ્યા નથી.
માર્ગ અકસ્માતમાં 41 લોકોના મોત થયા હતા
વિમાન દુર્ઘટના પહેલા, શનિવારે દક્ષિણ-પૂર્વ બ્રાઝિલમાં મુસાફરોથી ભરેલી બસને એક ટ્રકે ટક્કર મારી હતી. આ અકસ્માત દક્ષિણ-પૂર્વ બ્રાઝિલના મિનાસ ગેરાઈસ રાજ્યમાં નેશનલ હાઈવે પર થયો હતો. આ અકસ્માતમાં 22 લોકોના ઘટનાસ્થળે જ મોત થયા હતા, જ્યારે અનેક લોકો ઘાયલ થયા હતા. અકસ્માત બાદ મૃત્યુઆંક વધીને 30, પછી 38 અને પછી 41 થયો હતો.
